Bəzi qida məhsullarinin idxal rüsumu artırılıb.

roberto5 · October 2, 2016

1 kq toyuğa 1 dollar, 1000 ədəd toyuq yumurtası üçün 100 dollar rüsum qoyuldu

Nazirlər Kabineti (NK) tərəfindən Azərbaycanda idxal edilən ev toyuqları (əti və ət əlavələri, təzə, soyudulmuş və ya dondurulmuş) və toyuq yumurtaları, soğan, xiyar, qoz-fındıq, üzüm, alma, armud, heyva, xurma, meyvə şirələri, spirtli içkilər üçün yeni və yüksək gömrük idxal rüsumları müəyyənləşdirilib.

Bu, Nazirlər Kabinetinin “Azərbaycan Respublikasının ərazisinə gətirilən mallar üzrə gömrük idxal rüsumlarının dərəcələri”ndə etdiyi dəyişiklikdə əksini tapıb.

Dəyişikliyə əsasən, Azərbaycana idxal edilən 1 kq ev toyuğu əti üçün 1 dollar, 1000 ədəd toyuq yumurtası üçün 100 dollar, 1 kq soğan üçün 0,2 dollar, 1kq xiyar üçün 0,2 dollar, 1 kq qoz-fındıq üçün 1,5 dollar, 1 kq üzüm üçün 0,4 dollar, 1 kq alma (sidr istehsalı üçün, qalama (qabsız), sentyabrın 16-dan dekabrın 15-dək), armud (perrinin və ya armud sidrinin istehsalı üçün, qalama (qabsız), avqustun 1-dən dekabrın 31-dək), heyva üçün 0,3 dollar, 1 kq xurma üçün 0,3 dollar gömrük idxal rüsumu müəyyənləşdirilib. O cümlədən meyvə şirələrinin, spirtli içkilərin 1 litri üçün 0,7 dollardan az olmamaqla gömrük idxal rüsumu alınacaq.
Bu qərar dərc olunduğu gündən 30 gün sonra qüvvəyə minir və iki il müddətində qüvvədədir.

Qeyd edək ki, bundan əvvəl bu məhsullara gömrük dəyərinin 15 faizi həcmində standart gömrük idxal rüsumu tətbiq edilirdi.

roberto5 · October 2, 2016

İnşallah bu daxili istehsalı stimullaşdırar. Görəsən kiçik və orta sahibkarlığı nə vaxt inkişaf etdirəcəklər? ölkədə mütəxəssis qıtlığı var. İstehsala mütəxəssis lazımdı. Gərək millət özü bu barədə düşünsün.

gapgara · October 2, 2016

22 минуты назад, roberto5 сказал:

İnşallah bu daxili istehsalı stimullaşdırar. Görəsən kiçik və orta sahibkarlığı nə vaxt inkişaf etdirəcəklər? ölkədə mütəxəssis qıtlığı var. İstehsala mütəxəssis lazımdı. Gərək millət özü bu barədə düşünsün.

Güclü işlər gedir, bir az səbr eləsək nəticəni görərik.

Vuqar Rehimov · October 2, 2016

Bir il ərzində istehlak etdiyimiz qida məhsullarının 70faizini özümüz istehsal etsək bu əla olar...Səhv etmirəmsə bizdə bu rəqəm 30 faizdəndə aşagıdır...Ona görədə idxaldan asılıyıq...

İnanaq ki, görüıən tədbirlər, islahatlar iqtisadiyyatın saglam təməllər üzərində dirçəlməsinə səbəb olacaq...

215KL2 · October 2, 2016

əvvəlcə bir şərait yaratsınlar sonra idxala rüsum qoysunlar. Bu stimullaşma deyil, məcburi qiymət artımı, büdcə kəsirini camaatın hesabına doldurmaq

Nesim · October 3, 2016

8 часов назад, 215KL2 сказал:

əvvəlcə bir şərait yaratsınlar sonra idxala rüsum qoysunlar. Bu stimullaşma deyil, məcburi qiymət artımı, büdcə kəsirini camaatın hesabına doldurmaq

meselen toyuq fermasina hansi serait yaratsinlar? Bu sahede ne kimi cetinlik var sizce?

roberto5 · October 7, 2016

On 10/3/2016 at 0:06 PM, Nesim said:

meselen toyuq fermasina hansi serait yaratsinlar? Bu sahede ne kimi cetinlik var sizce?

Dermanna olan rusumu aradan götürsələr yaxşıdı. Amma çətin. Yemi hardasa özümüz istehsal edə bilərik.

Belfe · October 7, 2016

В 03.10.2016 в 12:06, Nesim сказал:

meselen toyuq fermasina hansi serait yaratsinlar? Bu sahede ne kimi cetinlik var sizce?

bu və başqa sahələrdə bir çətinlik var, monopoliya. uzağı öz həyətinizdə işləyə bilərsiniz, broyler kimi fəaliyyət göstərməyə heç kimə imkan verilməyəcək, inanmıram ki heç o qədər vəsait da tapmaq olunsun. öz həyətində də azərbaycanın yarısı işləməlidi ki idxal/ixraca təsiri olsun =)

Edited October 7, 2016 by Belfe

ali_pasha · October 10, 2016

Daxili istehsala musbet tesiri olacaq, amma biraz zaman lazimdir.

gapgara · November 3, 2016

Qərar qüvvəyə mindi.

Bu gündən Nazirlər Kabinetinin "Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” qərarında dəyişikliklər edilməsi barədə qərarı qüvvəyə minib.

Mia.az xəbər verir ki, dəyişikliklərlə bağlı qərarı baş nazir Artur Rasizadə bir müddət öncə imzalayıb. Qərar iki il müddətində qüvvədə olacaq.

Dəyişikliyə əsasən, Azərbaycana idxal edilən 1 kq portlandsement, giltorpaqlı sement, şlaklı sement, supersulfat sementi və analoji hidravlik sementlər, rənglənmiş və ya rənglənməmiş, hazır və ya klinkerlər formasında sement üçün 0,07 dollar, 1 kq gips, anhidrit, gipsli bağlayıcıların (susuzlaşdırılmış gips və ya kalsium sulfat olan) üçün 0,07 dollar, 1 kq kərpiclər, bloklar, lövhəciklər və silisli daş unundan və ya analoji silisium oksidi süxurlarından keramika məmulatları (məsələn, kizelqur, tripolit və ya diatomitdən) üçün 0,04 dollar gömrük idxal rüsumu müəyyənləşdirilib.

Dəyişikliyə əsasən, Azərbaycana idxal edilən 1 kq ev toyuğu əti üçün 1 dollar, 1000 ədəd toyuq yumurtası üçün 100 dollar, 1 kq soğan üçün 0,2 dollar, 1kq xiyar üçün 0,2 dollar, 1 kq qoz-fındıq üçün 1,5 dollar, 1 kq üzüm üçün 0,4 dollar, 1 kq alma (sidr istehsalı üçün, qalama (qabsız), sentyabrın 16-dan dekabrın 15-dək), armud (perrinin və ya armud sidrinin istehsalı üçün, qalama (qabsız), avqustun 1-dən dekabrın 31-dək), heyva üçün 0,3 dollar, 1 kq xurma üçün 0,3 dollar gömrük idxal rüsumu müəyyənləşdirilib. O cümlədən meyvə şirələrinin, spirtli içkilərin 1 litri üçün 0,7 dollardan az olmamaqla gömrük idxal rüsumu alınacaq.

http://mia.az/w249683/.../