Uşaq Şeirləri

[viceroy102]

Uçdu göylərə 
Bizim peykimiz, 
Söylədi yerə: 
- Yol gedirik biz. 
Bip-bip, bip-bip, 
Göylər min rəngdir, 
Burda ulduzlar 
Gör nə qəşəngdir. 

Günəşdən, Aydan 
Salam var sizə, 
Nəğmə deyirəm 
Uşaqlar, sizə. 
Bip-bip, bip-bip, 
Dərindir göylər, 
Burda hər ulduz 
Min nağıl söylər. 

Uçuram Marsa 
Dalımca baxın, 
Ulduzlar mənə 
Yaxındır, yaxın. 
Bip-bip, bip-bip, 
Gözləyin bir az, 
Görüşərik biz 
Darıxmaq olmaz. 
Bip-bip, bip-bip!

[NOIR]

Lalə

 

Lalə günəşlə durur

Lalə günəşlə yatır,

Anasını oyadır,

Atasını oyadır.

 

Lalə tezdən oyanır,

Dodağında gülüşü,

Pəncərədən səsləyir

Yuvada yatan quşu.

 

Lalə oyanan kimi

Sanki bahar oyanır.

Bağçada əlvan güllər,

Bağda quşlar oyanır.

 

Dörd yaşına girəcək

Lalə hələ gələn il.

Lalə yatan otaqda

Saat da lazım deyil.

 

O, hamını qaldırıb

Səhər tezdən oyadır,

Lalə günəşlə durur,

Lalə günəşlə yatır.

 

Nigar Rəfibəyli

 

 

[NOIR]

Yetim cücə

 

Ay kiçicik, soluq cücəm !

Boynu buruq, yoluq cücəm )

Açma o nazlı dimdiyin,

Başlama qəmli cikciyin .

Tək gəzinib sıxılma çox

Qəm yemə, sus, bir az dayan,

Mən olaram sənin anan.

Səni o səslə səslərəm ))

Dən, su verib də bəslərəm.

Ağlama, ağalma, gözəl,

Qaç yanıma, dayanma, gəl !

 

Abdulla Şaiq (1906)

Edited September 11, 2016 by NOIR

[NOIR]

Dovşana bax, dovşana

Dovşan qaçdı bostana.

Yedi qovun, qarpızı,

Saldı bizi ziyana.

 

[NOIR]

Gilas

 

Bax, ağac gilasdı...

Yaz gəldi, bu ağacın

Budağından gül asdı.

Sonra güllər büküldü,

Ləçəkləri töküldü...

Yaşıl- yaşıl düymələr,

Böyüdü gilas oldu.

Sırğa-sırğa damcılar,

Budaqlardan asıldı.

 

 

[NOIR]

Gözmuncuğu

 

Bir şeh damlası

Dedi böcəyə :

Gözmuncuğuyam

Gülə - çicəyə ! ))

 

 

 

Zahid Xəlil

[Igolka]

KƏPƏNƏK


Mənəm qanadlı çiçək,

Adım isə kəpənək.

Al-əlvan xallarım var.

Qızıl kimi parıldar.

Qanadımı açaram,

Budaq – budaq uçaram.

Yuvam, otağım ancaq

Olur yaşıl bir yarpaq,

Mənim dostumdur hər gül,

İncə telli göy sünbül.

Oynağımdır çöl, çəmən,

Məni tutmaq istəyən,

Ey mehriban uşaqlar,

Siz yaşayın bəxtiyar!

Mənim də bu dünyada

Bir başqa aləmim var…
 

[NOIR]

8 часов назад, Igolka сказал:

KƏPƏNƏK




Ey mehriban uşaqlar,

Siz yaşayın bəxtiyar!

Mənim də bu dünyada

Bir başqa aləmim var…
 

müəllifi ?

[Igolka]

Только что, NOIR сказал:

müəllifi ?

A.Şaiq

[Igolka]

Səhər tezdən dururam,
Əl-üzümü yuyuram
O qədər böyümüşəm,
10-a qədər sayıram!

Kuklamı çimdirirəm,
Qəşəng geyindirirəm
O qədər böyüyəm ki,
Bağçaya da gedirəm!

Ad günümdə hamı mənə,
Qəşəng hədiyyə alacaq
Deməyin mənə balaca,
Mənim beş yaşım olacaq!

Böyüyəm mən, böyüyəm
Görün necə, böyüyəm
Sevinirəm ay uşaqlar,
Kuklamdan da böyüyəm!

 

Gülzar İbrahimova.

[NOIR]

Qərənfil

 

Qərənfiləm mən,

Gözəl güləm mən.

Yaşıl saplaqlı

Bir sünbüləm mən.

Mən, bağban qızı

Bağın ulduzu,

Rəngim ağ, sarı,

Al və qırmızı.

 

Gəl, saxla ayaq,

Durma, gendən bax !

Gəlsəm xoşuna,

Dər, döşünə tax !

 

Abdulla Şaiq (1928)

 

[NOIR]

Bu şeir də diqqətimi çəkdi. acı istehzanı ana dilin şirinliyi ilə çatdırır A.Şaiq

 

Ata-oğul

 

Başı papaqlı ata,

Çuxa, başmaqlı ata,

Utandırma gəl məni

Yoldaşlarımdan... səni 

Görməsinlər yanımda.

Uzaq gəz məndən daha.

Məni elm etdi adlı

Oldum arpa-samanlı.

Amma ki, sən avamsan,

Yeni işlərlə xamsan.

Qalustuk, şapkama bax,

Durma, məndən ol uzaq !

 

[NOIR]

      Günəşin zarafatı

 

Alatoran çəkildi,

Səhər gözünü açdı.

Bənövşənin boynundan

Bir şeh muncuğu asdı.

Bir azdan doğdu Günəş

Şeh muncuğun əritdi.

Küsdü körpə bənövşə,

Boynunu əyri tutdu.

 

[NOIR]

         Gecə

 

Gecə ulduza baxdım,

Elə bildim noğuldu ))

Birdən göydən Ay axdı,

Dedim : - Yekə qoğaldı.

Günəş açdı gözünü,

O, hamını oyatdı.

Noğul da getdi,yatdı.

Qoğal da getdi, yatdı.

 

Zahid Xəlil

 

 

[NOIR]

Səhər tezdən dururam,
Əl-üzümü yuyuram
O qədər böyümüşəm,
10-a qədər sayıram!

Kuklamı çimdirirəm,
Qəşəng geyindirirəm
O qədər böyüyəm ki,
Bağçaya da gedirəm!

 

 

Qəşəm Nəcəfzadə

[NOIR]

"Zürafə"

Boynu uzun zürafə

     Boylanır hər tərəfə

       Yarpaqları yeməkçin 

      Hündür-hündür ağacdan,

                 Nə pilləkən gərəkdir,

                      Ona, nə də nərdivan.

 

 

Rəsul Rza

[NOIR]

Düz gecə yarı

qalxdı yuxudan.

Oyuncaqların

istədi şeytan :

- Qazım hardadı ?

- Qazın yatıbdı.

- Quzum hardadı ?

- Quzun yatıbdı

- Əlcəyim hanı ?

- Əlcək də yatır.

- Pencəyim hanı ?

- Pencək də yatır.

Kəsdi sözünü,

Yumdu gözünü.

Yatdı Xatirə,

Şirin yuxuya

Getdi Xatirə.

 

Nəriman Həsənzadə

[NOIR]

Beşikdə körpə yatır,

Üzündə ay işığı.

Gülən dodaqlarında

Dünyanın yaraşığı.

Əllərini tuturam,

Yumulu, yumşaq əllər !

Belə tumurcuq olur,

Qöncə içində güllər ))

Ağ alnına tökülən,

Quzu, qırmızı tellər

Məni fərəhləndirir.

Bu sevinc, könlümdəki

Nəğmələri dindirir

 

Mirvarid Dilbazi

[Igolka]

Bütün günü sönən-yanan,
Üç sehrli işığım var,
Gözləri ilə danışan
Üç sehrli çırağım var.

Qırmızı işıq yanar
O hamıya tapşırar
«Mən yanarkən heç bir kəs
Maşın yolunu keçməz!

Yanan kimi Sarı işıq,
Hamı durub gözləyər,
«Hazırlaşın, piyadalar
Yolu keçməyə!»-deyər.

Yanan kimi yaşıl işıq,
Yollar olar tamam açıq
Hamı sevinər, şad olar,
Yolu keçər piyadalar.

Ay balaca balalar,
Ay ağıllı uşaqlar!
Bu sehirli işıqlar
Deyin nə cür adlanar?

 

Gülzar İbrahimova

[bask]

qozel weyirler!!