“PalSüd” Gürcüstan bazarında

[Verman]

“Palmali” Şirkətlər Qrupunun tərkibində 2005-ci ildə “NurSüd MMC” süd və süd məhsulları emalı zavodu təsis edilib.

Artıq 2008-ci ilin əvvəlindən etibarən “PalSüd ” ticarət nişanı altında geniş çeşiddə süd məhsulları marketlərin piştaxtalarını bəzəməyə başlayıb. Eyni zamanda, 2009-cu ildə “Paldad” ticarət nişanı ilə dondurma istehsalına başlayan “Palfood MMC“ dondurma fabriki də yaradılıb.

Ölkəmizdə özünəməxsus keyfiyyəti ilə alıcıların rəğbətini qazanan “Palsüd” bu gün artıq Azərbaycan sərhədlərini aşıb. “Qafqazinfo” SİA-ya istinadən xəbər verir ki, şirkətin məhsulları bu gündən etibarən Gürcüstan Respublikasına ixrac olunmağa başlayıb. Gürcüstana yola düşən ilk yük maşını karvanı “Palsüd”ün anbarlarında Azərbaycan Respublikası Dövlət Gömrük Komitəsinin əməkdaşlarının nəzarəti ilə yüklənib və maşının yük yeri möhürlənib.

“Palsüd dağıntı” MMC-nin satış müdiri Məhəmməd Osmanov SİA-ya bildirib ki, zavod qonşu ölkədə süd məhsulları bazarında sağlam rəqabət aparacaq: “Palsüd” məhsulları Gürcüstanın müvafiq strukturlarının təbii süd, yağ, yüksək keyfiyyətli enerji və qida dəyərlərinə riayət olunması tələbindən uğurla keçib. Artıq Gürcüstan Respublikasının vətəndaşları təbii süddən yüksək keyfiyyətlə hazırlanmış “Palsüd” məhsullarının bütün çeşidlərini market və mağazalardan ala biləcəklər. Zavodumuz Azərbaycan istehsalı adı altında istehsal etdiyi məhsullarını Gürcüstandan sonra daha bir neçə ölkəyə çıxarmaq planları üzərində uğurla çalışır”.

Satış müdiri vurğulayıb ki, şirkət məhsullarını dəfələrlə beynəlxalq sərgilərə çıxarıb. “Palsüd” keyfiyyət və çeşidinə görə həmişə ön sıralarda olub.

http://www.qafqazinfo.az/iqtisadiyyat-4/palsud-gurcustan-bazarinda-video-149881

[gapgara]

İnkişaf gedir. Deyilənə görə ölkədə istehsal olunan süd məhsullarına görə ən qabaqcıllardandır bu şirkət. 

[Museyib Elekber]

Bəs eşitdiyimə görə Palmali (ya da bəlkə təkcə Palsüd qolu) bağlanıb. Çünki bizdəki marketdə nə verdikləri malların, nə də depozit borcunun arxasınca gələn olmadı aylar ərzində. Bir neçə nəfərdən maraqlandım. Dedilər ki, artıq bağlanıb. Biz də təbii ki, malların siyahısını çıxardıb depozit borcundan sildik. Xoşbəxtlikdən hər iki məbləğ bir birini təxminən kompensasiya edə bildi. O gün bu gündü hələ ki gələn yoxdur.
 

[gapgara]

On 6/7/2016 at 11:12 PM, Museyib Elekber said:

Bəs eşitdiyimə görə Palmali (ya da bəlkə təkcə Palsüd qolu) bağlanıb. 
 

Bağlanmayıb, keçən həftə Bazarstorda Pal Südün müxtəlif çeşidlərinə rast gəldim. 

[Museyib Elekber]

40 minutes ago, gapgara said:

Bağlanmayıb, keçən həftə Bazarstorda Pal Südün müxtəlif çeşidlərinə rast gəldim. 

 

Onda yəqin region filialı bağlanıbmış.