Socar-Da Fəlakət.

[ceylin]

Allah rehmet elesin,insanlarin hele de gozleri yoldadir..((

[gapgara]

Dünən tapılan 10 sayl DDÖ-dən itkin düşmüş neftçinin kimliyi təyin olunub, bu  Sahib Güloğlan oğlu Şahmarov olub. Tapılmış meyit ailəsin ailəsinə təhvil verilib.  Allah rəhmət eləsin. 

 

21 nəfər isə hələ də itkin olaraq qalır. Bunlar tapılana qədər 21 ailənin gözü dənizdən çəkilməyəcək...

[HPTRUEVISION]

Bu fəlakətə baxmayaraq SOCAR-ın platformalarında işlər köhnə qaydada davam edir.

[gapgara]

Xəzərdə tapılan meyitin neftçi olduğu açıqlandı

O, dekabrın 4-də baş vermiş qəzada itkin düşən 3 neftçidən biridir 

Febralın 21-də Xəzər dənizinin Neftçala ərazisində aşkar edilmiş cəsədin DNT analizinin nəticələri məlum olub.  SOCAR-ın mətbuat xidmətindən Lent.az-a verilən məlumata görə, ekspertlərin rəyinə əsasən, cəsəd SOCAR-ın Nəqliyyat İdarəsinin əməkdaşı Xudaverdiyev Cavad Xudaverdi oğlunundur. O, dekabrın 4-də təbii fəlakət nəticəsində Neft Daşlarındakı 501 saylı dəniz özülündə baş vermiş qəzada itkin düşən 3 neftçidən biridir.

 

Allah rəhmət eləsin. Bir ailənin də gözü dənizdən yığıldı..

[gapgara]

Aprelin 2-də Xəzər dənizinin Türkmənistan sahillərində aşkar edilmiş cəsədin DNT analizinin nəticələri məlum olub.

Mia.az SOCAR-a istinadən xəbər verir ki, ekspertlərin rəyinə əsasən, cəsəd 28 May NQÇ-nin 10 saylı dərin dəniz özülündə nəzarət ölçü cihazlarının çilingəri Rzaxanov Edik Rivazin oğlunundur.

O, dekabrın 4-də təbii fəlakət nəticəsində "Günəşli” yatağında baş vermiş qəzada itkin düşən neftçilərdəndir. 

[gapgara]

SOCAR-da növbəti fəlakət. Günəşli yatağında 19 saylı Plarformada təmir quyusunda yanğınla nəticələnən qaz sızması olub. 

http://news.day.az/society/824957.html

[ali_pasha]

В 26.02.2016 в 16:28, gapgara сказал:

Xəzərdə tapılan meyitin neftçi olduğu açıqlandı

O, dekabrın 4-də baş vermiş qəzada itkin düşən 3 neftçidən biridir 

Febralın 21-də Xəzər dənizinin Neftçala ərazisində aşkar edilmiş cəsədin DNT analizinin nəticələri məlum olub.  SOCAR-ın mətbuat xidmətindən Lent.az-a verilən məlumata görə, ekspertlərin rəyinə əsasən, cəsəd SOCAR-ın Nəqliyyat İdarəsinin əməkdaşı Xudaverdiyev Cavad Xudaverdi oğlunundur. O, dekabrın 4-də təbii fəlakət nəticəsində Neft Daşlarındakı 501 saylı dəniz özülündə baş vermiş qəzada itkin düşən 3 neftçidən biridir.

 

Allah rəhmət eləsin. Bir ailənin də gözü dənizdən yığıldı..

Allah rehmet elesin

[gapgara]

Noyabrın 20-də saat 22:30 radələrində "Günəşli” yatağındakı 7 saylı dərin dəniz özülündə "SOCAR AQŞ” MMC tərəfindən istismar edilən HİDROAKTİF HİDROLİK VİNÇ İŞ MAKİNALARI İMALAT İHRACAT İTHALAT SAN.TİC.LTD. şirkətinin istehsalı olan, 2015-ci ildə quraşdırılmış 28 tonluq HAK-300 tipli kran "Neftqaz-63” gəmisindən boruları qəbul edən zaman kranın barbeti yuxarı flans-qaynaq (zavod istehsalı) hissəsindən qırılaraq gəmi yanalma meydançasına, daha sonra gəminin üzərinə aşmış, kranın qırılan hissəsi dənizə düşüb.

Hadisə nəticəsində "Abşeron” Qazma Şirkətinin (AQŞ) krançısı 1991-ci il təvəllüdlü Məmmədov Elşən Səxavət oğlu baş nahiyəsindən xəsarət alaraq dünyasını dəyişib.

http://mia.az/w250734/.../

 

Allah rəhmət eləsin.

[Rufat_714]

Allah rəhmət eləsin.

[gapgara]

SOCAR-da növbəti faciə. 

 

Verilən məlumatda bildirilib ki, dekabrın 15-də səhər saat 05.00 radələrində Xəzər dənizində 41 metr/saniyə sürəti ilə əsən güclü külək “Azneft” İB-nin N.Nərimanov adına Neft Qaz Çıxarma İdarəsinin 3 saylı Neft Yıığım Məntəqəsinin sag və sol hissəsində yerləşən estakadanın uzunluğu təqribən 150 metr olan hissəsini dənizə uçurmuşdur.Estakadanın həmin hissəsi özü ilə birlikdə ona bitişik olan meydançanı və üzərindəki yaşayış budkasını da uçurmuşdur. İlkin məlumata görə, hadisə nəticəsində Neft Yığım Məntəqəsinin növbədə olan 5 nəfər və yaşayış budkasında olan 5 nəfər (cəmi 10 nəfər) əməkdaşı itkin düşüb: Bir nəfərin cəsədi tapılıb. Qalan 9 nəfər itgin düşüb.

1. Zülfüqarov Güloğlan - maşinist
2. Zülfüqarov Azay - operator
3. Qurbanov Vidadi - operator
4. Həsənov Elçin - mexanik
5. Hacıəliyev Həsənağa - operator
6. Qafarov İlham - operator
7. Əsədov Samir - operator
8. Bəhrəmov Cavid - operator
9. Abbasov Ramiz - maşinist
10. Rüstəmov Qorxmaz - operator

http://publika.az/news/hadise/179885.html

 

Allah rəhmət eləsin, yazıq gözü yolda qalanların halına. 

 

[HPTRUEVISION]

Allah rəhmət eləsin. Kosmik sürətli inkişaf qırıb məhv elədi bu milləti. Gözəl ürək sözlərim var ee bu soysuzlara özümü güclə saxlayıram.

[NOIR]

Bu gün Azərbaycanın baş nazirinin müavini Abid Şərifov Türkiyənin Bakıdakı səfirliyində olub və İstanbulda törədilən terror hücumları zamanı həlak olanların xatirəsinə açılmış başsağlığı dəftərini imzalayıb

Həmin mərasimi izləyən jurnalistlərdən birinin virtualaz.org-a bildirdiyinə görə KİV nümayəndələri bunu fürsət bilib Abid Şərifovdan Xəzərdə baş vermiş faciə-estakadanın uçması və 10 neftçinin itkin düşməsi ilə bağlı da soruşublar. Lakin belə məlum olub ki, baş nazirin müavininin heç bu hadisənin baş verməsindən xəbəri yoxmuş. “Nə vaxt olub, mənim xəbərim yoxdur”-Abid Şərifov təəcüblə jurnalistlərə cavab verib.

Xatırladaq ki, Abid Şərifov baş nazirin müavini kimi həm də fövqəladə halların qarşısının alınmasını və nəticələrinin aradan qaldırılmasını kurasiya edir.

http://virtualaz.org/olke/85301

 

[Igolka]

Yene...

Allah rehmet elesin.

[ceylin]

Allah rəhmət eləsin.

 

    Zəlzələ,sunami baş verməyib ki?Daimi və mövsümi küləklər ta qədimdən yarımadaya,Xəzərə məxsus ən məlum təbiət hadisəsi olub.Səbəbkar kimi göstərilən "güclü külək" yoxdur, iqlimin-təbii şəraitin doğura biləcəyi nəticələrin nəzərə alınmadığı laqeyidlik var.. yenə də :( 

[Blackkk]

Indi yene gunahkar kulek oldu? Bele vicdansizliq gorunmeyib.

[gapgara]

Dekabrın 15-i baş vermiş faciədə Xəzərdə itkin düşənlırdən biri - Hacıəliyev Həsənağanın meyiti Nefçalada dənizdən tapılıb. Sabah dəfn olunacaq.

Allah rəhmət eləsin.

http://mediainfo.az/hadise/60726

 

 

[gapgara]

Dekabrin 15-i Nəriman Neftdə itkin düşmüş daha bir nefçınin Qurbanov Vidadinin meyidi dünən Xəzər sularından tapılıb. Daha bir ailənin gözü dənizdən yığılıb. 

Allah yaxınlarına səbr versin. 

http://gundeminfo.az/olke-ici/26136-tkin-neftchilerden-birinin-meyidi-tapildi.html