Struqaçkilərdən 20 Ibarə

Maga Qasımov · November 12, 2015

Struqaçkilərdən 20 ibarə

Ədəbiyyatın ən məşhur qardaşları - Arkadiy və Boris Struqaçkilər - sadəcə fantast deyillər, onlar yalnız yazıçı və milyonların pərəstişkarı kimi də xatirələrə həkk olunmayıblar.

Onların gələcək zaman, dünya və o dünyanı məskunlaşdıran insanlar haqqında yazdıqları əksəriyyət üçün həyatın bir parçasına çevrilib, bəziləri üçün isə - sadiq bələdçiyə.

Onlar əbədi suallara cavab verirlər: necə eləmək olar ki, insan doğru seçim edib, özünü tapsın və sonunda bu böyük dünyada azıb qalsın. Adme.ru saytı Struqaçki qardaşlarının yaradıcılığından ən yaxşı 20 sitatı toplayaraq, sizə təqdim edir, lakin təqdim etməmişdən öncə sizinlə bir sirri bölüşmək istəyirik - Struqaçkilər olmaq çətin işdir (Struqaçki qardaşlarının «Трудно быть Богом», «Tanrı olmaq çətindir» əsərinə alleqoriya; tərcüməçinin qeydi)

1) İlin 83% günü eyni başlayır: zəngli saat çalır.

2) Həftələrlə canını bayağı boşboğazlığa sərf edirsən, ancaq əsl insanla rastlaşanda - danışmağa vaxtın olmur.

3) Tamamilə doğrudur: pullar insana ona görə lazımdırkı, onlar haqqında heç vaxt düşünməsin.

4) Çox qəribədir, heyranlıq dalğaları necə də tez keçib-gedir. Saatlarca, hətta günlərcə özünü gəmirərək, sancmaq və təngə gətirmək mümkündür, heyranlıq isə gəlir və anilə də yox olub gedir.

5) Əgər ideal naminə insan əclaflığa əl atırsa, bu idealın qiyməti bir köpüklük deyil.

6) Dişi canavar öz balalarına deyir: «Mənim kimi dişləyin», - və bu kifayətdir; dişi dovşan da öz balalarını öyrədir ki: «Mənim kimi qaçın», - və bu da kifayətdir; ancaq insan öz balasına deyir ki: «Mənim kimi düşün», - və bu artıq cinayyətdir.

7) Əgər hər şey sözlərsiz də aydındırsa, niyə də susmayaq?

8) Yaxşısı bir insanda iyirmə dəfə yanılmaqdır, hər kəsə şübhə ilə yanaşmaqdansa.

9) Asfaltda hərəkət eləmək üçün maşını almağın nə faydası var? Asfalt olan yerlərdə maraqlı heç nə yoxdur, maraqlı yerlərdə isə asfalt olmur.

10) Fantaziya - qiymətsiz şeydir, lakin onu daxilə buraxmamalıyıq. Yalnız xaricə, yalnız xaricə.

11) Skeptisizm və abırsızlıq həyatda çox ucuz qiymətə malikdir, çünki onlar sevinc və heyrət hissindən daha yüngül və darıxdırıcıdır.

12) Bu demokratik seçkilərə bənzər bir şeydir: çoxluq həmişə əclafın tərəfindədir.

13) Onların arasında heç kim dəqiq bilmirdi ki, xoşbəxtlik nədədir və həyatın əsl mənası nədir. Buna görə də onlar işçi fərziyyəni əsas götürürdülər, xoşbəxtlik - məchulun aramsız dərk edilməsindədir, elə həyatın mənası da ondadır.

14) Bilirsiniz gərəkli sözünün anlamı nədir? O ki kimsəsiz və ya bir şeysiz keçinə bilmirsən. O ki kiminsə haqqında həmişə düşünürsən. O ki bütöv həyatın boyunca ona müyəssər olmağa çalışırsan.

15) Gələcək haqqında danışmağın nə mənası var? Gələcək haqqında danışmırlar, - onu həyata keçirirlər.

16) Bozun zəfər çaldığı yerdə, hakimiyyətə həmişə qaralar gəlir.

17) Nə kosmik faciənin gurultusunda, nə nüvə müharibəsinin alovunda, nə də sayı durmadan artan əhalinin məngənəsində bəşəriyyətin sonu görünmür, nə vaxt ki insan tox olub, dinc sükut şəraitində yaşayacaq, o zaman da bəşəriyyət tarixi son nəfəsini verəcək.

18) O deyirlər ha, həm uşaqlar olur, həm də böyüklər, axı bu yalandır.

Əslində hər şey daha da qəlizdir, həm böyüklər var, həm də böyüklər.

19) Dünyada dəyişilməyəcək heç nə yoxdur.

20) Lənətə gəlsin hər şey! Mən onun bu sözlərindən başqa heç nəyi yada sala bilmirəm: Xoşbəxtlik hər kəs üçündür, o təmənnasızdır və qoy heç kim ondan incikli halda getməsin!

Nightwatchman · November 13, 2015

:aappll:

Azforumda Struqatskilərlə maraqlanan user olduğuna həqiqətən də sevindim. Təşəkkür mövzuya görə!

Sovet dönəminin ən maraqlı fantastları və eyni zamanda da fantastika janrı ilə real hissləri insanlara çatdıra bilirdilər. Şəxsən mən onları nəinki sovet, hətta dünya fantastika janrının incisi hesab edirəm, Bredberi, Azimovdan da üstün. Məndə onların yaradıcılığına maraq "Yol kənarında piknik" povesti ilə başlandı və ömürlük davam edər yəqin ki)))

2012-ci ildən başlayaraq "Lyudenı" adlı bir ədəbi qrup onların 30 cildlik tam əsərlər toplusunun üzərində işləyirlər, nə vaxt hazır olacağı hələ bilinmir. Nə vaxt hazır olacaq, bizə gəlib çatacaqmı? Amma əminəm ki, bu toplum hər bir şəxsi kitabxanada qiymətli bir toplum olar, kimə qismət olsa.....

Igolka · November 13, 2015

Çox maraqlıdır.Her bend özlüyünde ayrı mena daşıyır.Gözel fikirlerdir.

2) Həftələrlə canını bayağı boşboğazlığa sərf edirsən, ancaq əsl insanla rastlaşanda - danışmağa vaxtın olmur.

Maga Qasımov · November 13, 2015

Qrammatik səhvlərə görə çox üzr istəyirəm, təəssüf ki düzəliş eləməyi çatdıra bilmədim, ən əsas qardaşların adını Struqatski deyə qeyd etməyi unutdum, bir də "cinayyət" sözü məni qıcıqlandırır bu dəqiqə =) Burada təmizlik işləri aparıb yerləşdirdim məqaləni: https://magazad.wordpress.com/2015/11/12/bir-az-da-struqackiləri-dinləyək/

Rəylərinizə görə isə minnətdaram! Mən çox təəssüf edirəm ki, Struqatski qardaşları azərbaycandilli oxucular sırasında demək olar ki tanınmır, çoxluq fantastika janrına qeyri-ciddi yanaşdığından, hələ də bu xəzinəni oxumaq imkanını tapmayıb.