" Hamı Villa Ala Bilir, Mən Yox?"

[Museyib Elekber]

Akif Nağı: “Ən azından işğal altında olan rayonların başçılarında mənəvi sıxıntı olmalıdır ki, 100 minlərlə soydaşları ağır durumdadır”

Şuşa Rayon İcra Hakimiyyətinin başçısı, Dağlıq Qarabağın Azərbaycanlı İcmasının rəhbəri Bayram Səfərovun ATV-nin sabiq sahibi Tağı İbrahimovun villasını alması ilə bağlı məlumat sosial şəbəkələrin və medianın müzakirə mövzusuna çevrilib.

Əsasən də villanın 4,5 milyon manata olması birmənalı qarşılanmır. Azpolitika.info portalının yaydığı məlumata görə, Novxanının ən gözəl yerində, üzü dənizə baxan təpənin yamacında yerləşən villa böyük ərazini əhatə edir. Ərazidə Azərbaycanın ən qüdrətli adamlarının - nazirlərin, iş adamlarının, generalların, polis rəislərinin və digərlərinin bağ evləri var. İçərisində çoxlu sayda qiymətli ağacların, güllərin əkildiyi bağın dizaynının yüksək zövqlə işləndiyi də yayılan məlumatlar sırasındadır. Portal 4 mərtəbəli villanın həqiqətən dəyərli, çox möhtəşəm tikildiyini yazır.

İcra başçısı Bayram Səfərov adıçəkilən portala və “Yeni Müsavat” qəzetinə dolayısı ilə informasiyanı təsdiqləyib. Hətta jurnalistin “bu, sizin villanızdır deyə, xeyir-dua verə bilərik də” sualına “Çox sağ ol, var ol. Allah sənə də qismət eləsin. Səmimi qəlbdən xeyir-dua verənlərin hamısına qismət olsun” - deyə təsdiqləyici cavabını verib.

İcra başçısı 4,5 milyon manatlıq villanı “barter”lə aldığını da deyib. Ancaq nə ilə dəyişdiyini açıqlamayıb.

O, bildirib ki, hər kəs şəraitini yaxşılaşdırır: “Mən niyə yaxşı şəraitdə yaşamamalıyam? Mənim yaşım var, ömrüm boyu əzab-əziyyət çəkmişəm, zəhmətlə yaşamışam”.

800 manat maaş alan işğal olunmuş rayonun icra başçısının deyilən dəbdəbəyə və qiymətə malik villaya sahib olması isə cəmiyyətdə sual doğurur.

Qarabağ Azadlıq Təşkilatının sədri Akif Nağı Bayram Səfərovu zarafatçıl adam hesab edir. Bununla belə, düşünür ki, işğal olunan rayonların icra başçıları və deputatlarının paytaxtda, ətraf bölgələrdə çox rahat şəkildə villalara sahib olmaları çox qəribədir. Akif Nağı bu yaxınlarda Qusar rayonunda şəhid ailələri və müharibə veteranları ilə görüşə getdiyini söyləyərək dedi ki, Şahdağ ətrafında da belə villalar var: “Adam həmin villalara kimlərin sahib olduğunu eşidəndə dəhşətə gəlir, çünki Böyük Britaniyanın orta əsrlərdə tikilən villaları Azərbaycan məmurlarının tikdiklərinin yanında komaya bənzəyir. Oxşar mənzərəni Bakı ətrafı qəsəbələrdə də görmək olur. Ən azından işğal altında olan rayonların başçılarında mənəvi sıxıntı olmalıdır ki, 100 minlərlə soydaşları ağır durumdadır, o cümlədən, əsirlikdə nə qədər insanlarımız var”.

Akif Nağı hesab edir ki, dəyəri milyonlarla ölçülən villalardan söhbət gedirsə, burda oğurluğun olması şübhəsizdir. Bu mənada dövlətin müvafiq orqanları baş verənlərə reaksiya verməlidir: “Sual etməlidirlər ki, hansı maaşla, vəsaitlə bu sarayları tikirsiniz? Nədir bu, oğru, quldur cəmiyyətində yaşayırıq? Vəzifədə olanların hamısı oğru və qurdurdular? Ona görə Korrupsiyaya Qarşı Mübarizə İdarəsi araşdırma aparmalıdır”.

QAT sədri bu məsələni gündəmə gətirib etirazlara başlamaq barədə suala belə cavab verdi: “Əksər QHT-lər bununla məşğul olmalıdır, xarici konfranslarda iştirak edən vətəndaş cəmiyyəti, xüsusən korrupsiyaya qarşı yaranan QHT-lərin nümayəndələri müzakirə açmalıdırlar. Biz isə bu məsələlərlə bağlı dəstək verməyə hazırıq”.

Tanınmış hüquqşünas Müzəffər Baxışov hesab edir ki, normal dövlətlərdə belə hallar araşdırılır. Amma Azərbaycanda rüşvət vermə və alma normal hal kimi qəbul edilir: “İctimai şüur Şuşa rayon icra başçısının villa almasına adi yanaşır. Halbuki, belə olmamalıdır”.

Hüquqşünas icra başçısına qarşı hansısa tədbir görüləcəyinə inanmadığını dedi.

Əslən Şuşadan olan “Yeni Müsavat” qəzetinin redaktoru Nazim Sabiroğlu icra başçısı Bayram Səfərovu illər öncə daha çox iş adamı kimi tanıdığını dedi: “Mən onu siyasi postda görməmişəm”.

O, Bayram Səfərovun maliyyə imkanlarının geniş olduğunu yalnız şuşalıların deyil, bütün Azərbaycanın bildiyini söylədi: “Bayram Səfərovun vəzifəyə təyin olunandan sonra pul qazandığını iddia etmək doğru deyil. Çünki o, həmişə bizneslə məşğul olub. Ona görə də 4,5 milyona villa almasını təbii qarşılayıram. Özü də bizneslə məşğul olduğunu təsdiqləyib”.

Həmkarımız biznesmen icra başçısının məcburi köçkün olan şuşalılar üçün nə kimi xeyriyyə işləri gördüyünü də soruşub. “Mən onunla çox az tədbirlərdə qarşılaşıram. Amma elə bir fakt eşitməmişəm. Güman ki, obyektlətində işləyənlərin əksəriyyəti məcburi köçkünlərdir” - deyə Nazim Sabiroğlu cavab verib.

http://www.meydan.tv/az/site/politics/2394/%C4%B0ctimai-%C5%9F%C3%BCur-%C5%9Eu%C5%9Fa-rayon-icra-ba%C5%9F%C3%A7%C4%B1s%C4%B1n%C4%B1n-villa-almas%C4%B1na-adi-yana%C5%9F%C4%B1r.htm

Edited July 26, 2014 by Museyib Elekber

[Kenul2012]

Novxanı villa və bağlarını tanıyıram.Təkcə, bağın milyon dollar qiyməti var,villasız.)

 

Görəsən,o hansı biznesdir ki,o qədər gəlir gətirir?)

[Museyib Elekber]

Novxanı villa və bağlarını tanıyıram.Təkcə, bağın milyon dollar qiyməti var,villasız.)

 

Görəsən,o hansı biznesdir ki,o qədər gəlir gətirir?)

 

Açması: diktatura rejimli bir ölkədə dövlət məmurluğu

[Belede]

Vaxt var iydiki millət öz hakimiyətinə irad bildirirdiki - daxili işlər nazirinin arvadi hansisa rayonda toya videomagnitafon bagişlayib , o boydada hədiyyə olar gör necə gidurublar ?

Görəsən indi niyə dinən yoxdu ?

zalimin fagiri , fagirin gənimiyig

[Kenul2012]

Vaxt var iydiki millət öz hakimiyətinə irad bildirirdiki - daxili işlər nazirinin arvadi hansisa rayonda toya videomagnitafon bagişlayib , o boydada hədiyyə olar gör necə gidurublar ?

Görəsən indi niyə dinən yoxdu ?

zalimin fagiri , fagirin gənimiyig

Kosmik inkişafımıza  irad tutursunuz?

[azda]

Hökümət yaxşi ki Şuşanin icra hakiminin başçisini görüb , ondan bahali evləri olan qaçqinlar var. Özləri məmurlari Naxçivanlilarla , qaçqinlari seçib sonra şikayət edirlər.Yaziq deyirki mən də sizin kimi insanam da əl çəkin , haqqi da var da bəlkə başqa alverlə də məşğuldu.)

 

 

- Nə yazırlar?

- Yazırlar ki, Bayram Səfərovda bu qədər pul hardandır?
- Qələt edirlər. Bu, mənim şəxsi işimdir.
- Axı siz Şuşa İcra Hakimiyyətinin, Qarabağın Azərbaycan icmasının başçısısız?
 - Nə olsun? Mən villa ala bilmərəm? Almışam, yaxşı eləmişəm, bunun kimə nə dəxli var?
- Maaşınız buna imkan verir?..
 - A kişi, gedin öz işinizlə məşğul olun.
- Bizim işimiz elə belə məqamlarda sizə sual ünvanlamaqdır.
- Mənim şəxsi işimə qarışa bilməzsiz.
 - Dövlət büdcəsindən maaş alan məmurun villa alması şəxsi işdir?
 - Bəli, şəxsi işdir, mən icra başçısı olmaqla bərabər, sizin kimi insanam.
 - Axı mənim nəinki villa, ev almağa belə imkanım yoxdur.

 

 

 

 

[fikus elastica]

QAT sədri bu məsələni gündəmə gətirib etirazlara başlamaq barədə suala belə cavab verdi: “Əksər QHT-lər bununla məşğul olmalıdır, xarici konfranslarda iştirak edən vətəndaş cəmiyyəti, xüsusən korrupsiyaya qarşı yaranan QHT-lərin nümayəndələri müzakirə açmalıdırlar. Biz isə bu məsələlərlə bağlı dəstək verməyə hazırıq”.

QAT sədri də pulla susdurulmuş köpək obrazına daha uyğun gəlir. Bunun cavabına bax,görəsən bağlı dəstək nə deməkdi? Bu vaxta qədər bu sədrin normal çıxışını görməmişəm,

 

 

 “İctimai şüur Şuşa rayon icra başçısının villa almasına adi yanaşır. Halbuki, belə olmamalıdır”.

 

Bax, səbəb elə burda gizlənib.  belə hallar uzaqgörən,hər şeyə qadir millətimiz üçün çoxdan adiləşib

[Museyib Elekber]

Hökümət yaxşi ki Şuşanin icra hakiminin başçisini görüb , ondan bahali evləri olan qaçqinlar var. Özləri məmurlari Naxçivanlilarla , qaçqinlari seçib sonra şikayət edirlər.Yaziq deyirki mən də sizin kimi insanam da əl çəkin , haqqi da var da bəlkə başqa alverlə də məşğuldu.)

 

 

- Nə yazırlar?

- Yazırlar ki, Bayram Səfərovda bu qədər pul hardandır?

- Qələt edirlər. Bu, mənim şəxsi işimdir.

- Axı siz Şuşa İcra Hakimiyyətinin, Qarabağın Azərbaycan icmasının başçısısız?

 - Nə olsun? Mən villa ala bilmərəm? Almışam, yaxşı eləmişəm, bunun kimə nə dəxli var?

- Maaşınız buna imkan verir?..

 - A kişi, gedin öz işinizlə məşğul olun.

- Bizim işimiz elə belə məqamlarda sizə sual ünvanlamaqdır.

- Mənim şəxsi işimə qarışa bilməzsiz.

 - Dövlət büdcəsindən maaş alan məmurun villa alması şəxsi işdir?

 - Bəli, şəxsi işdir, mən icra başçısı olmaqla bərabər, sizin kimi insanam.

 - Axı mənim nəinki villa, ev almağa belə imkanım yoxdur.

 

Bundan sonra bir dənə də cümlə işlədir. Ola bilsin mexaniki olaraq yazıda düşməyib:

 

- İşləsəniz olar, sağ olun.

[Museyib Elekber]

QAT sədri də pulla susdurulmuş köpək obrazına daha uyğun gəlir. Bunun cavabına bax,görəsən bağlı dəstək nə deməkdi? Bu vaxta qədər bu sədrin normal çıxışını görməmişəm,

 

 

Bax, səbəb elə burda gizlənib.  belə hallar uzaqgörən,hər şeyə qadir millətimiz üçün çoxdan adiləşib

 

Bu ölkədə vəzifəyə gəlib susmamaq biraz çətin məsələdir. Ya susub vəzifədə qalmalısan, ya da, sonrasını bilirsiniz özünüz.

 

Bu millətə bir çox şey artıq adi hal kimi gəlir: yerlərdə sürünən insanlar, pul verib sənəd düzəltdirmək, tapşırıqla növbəni pozub qabağa keçmək (məni filankəs göndərib), və daha nələr. Və heç kim də belə vəziyyətdə başını ağrıdıb etiraz etmir. Bir iki nəfər də çıxan kimi başlayırlar ki "sənin gücün bunlara çatmaz, bunların arxası qalındır" 

[Восставший из бана]

Arendadan gelir de pullar)

[SAPAND]

:)

 

 

https://www.youtube.com/watch?v=qMvSV4DbtVw

 

[Belede]

Kosmik inkişafımıza  irad tutursunuz?

Mən gülərdim - bu gədər aglamali olmasaydi

[Deymon Salvatore]

Novxanı villa və bağlarını tanıyıram.Təkcə, bağın milyon dollar qiyməti var,villasız.)

 

Görəsən,o hansı biznesdir ki,o qədər gəlir gətirir?

"Qaçqınlara xaricdən ayrılan yardımı mənimsəmək" biznesi.Necədi sizin üçün?Eyni şeyi qaçqınlarla əlaqəli,bütün təşkilatlara şamil etmək olar.

[fikus elastica]

Yasamalın göbəyində, Binəqədinin lap mərkəzində başqaları üçün tikilən evlərə yerləşdirilən şuşalılar Bayram Səfərovun villa almasına adi yanaşır. Jurnalistlərin suallarına şuşalılar “başqası ala bilər, Bayram müəllim yox? Bayram Səfərov elə Şuşadan imkanlı adam idi” - deyirlər.

 

http://qafqazinfo.az/news_detail.php?id=90225

 

Bu gedişin sonu haradır? Harda dayanacaq, silkələnib ayılacaq bu millət? Ümumiyyətlə, ayılacaqmı?..

[Deymon Salvatore]

Birisi qaçqınlara ayrılan yardımı yeyir,digəri dövlət büdcəsini sağına-soluna xərcləyir,tonlarla "qara ikranı" "çörəyin" üstünə yaxır.Sual formasında, "Nədir bu, oğru, quldur cəmiyyətində yaşayırıq?" cümləsinin qoyulması, özü gülüncdür.Sual verməyin,onsuz da cavabı özünüz verirsiniz.Dünən Bakıdan rayona getmişdim."İpək yolu",hələ də təmirdədir.Halbuki,1 il bundan qabaq da rayona getmişdim,eyni mənzərənin şahidi idim.Hələ ondan da xeyli əvvəl,bu yolları düzəltməmişdilər.Harınlamışlar, ayrılan pulun hamısını ortalıqda yeyiblər,indi də canları çıxır ki,heç olmasa təmiri başa çatdırsınlar.

 

 

Axırda bu millət ayağa qalxacaq,onda da "artıq tamah baş yarar" yox,"beyin dağıdar" misalını görəcəklər.Özü də nə hazırlanmış adamları,nə də başqa bir şey onlara kömək edəcək.Kütləni nə qədər qırsan da,əvvəl-axır biri sənin "yoğunlamış" boğazından yapışacaq.İnsanların canını boğazına yığmaq olmaz ee.İnşallah,əlimə imkan düşən kimi,birinci növbədə vətəndaşlığımı dəyişib,köçəcəm buralardan.Həmişə Azərbaycanın gələcəyinə inanmağa çalışırdım,ruhdan düşənləri dəstəkləyirdim ki,onlar da qayıtsın yollarına.Ancaq dünən gördüklərim,artıq son damla idi.Tüpürüm bu dəyusların cəmdəyinə!!!Qanınız xarabdı onsuz da,sizə xeyri yoxdur.

[fikus elastica]

Birisi qaçqınlara ayrılan yardımı yeyir,digəri dövlət büdcəsini sağına-soluna xərcləyir,tonlarla "qara ikranı" "çörəyin" üstünə yaxır.Sual formasında, "Nədir bu, oğru, quldur cəmiyyətində yaşayırıq?" cümləsinin qoyulması, özü gülüncdür.Sual verməyin,onsuz da cavabı özünüz verirsiniz.Dünən Bakıdan rayona getmişdim."İpək yolu",hələ də təmirdədir.Halbuki,1 il bundan qabaq da rayona getmişdim,eyni mənzərənin şahidi idim.Hələ ondan da xeyli əvvəl,bu yolları düzəltməmişdilər.Harınlamışlar, ayrılan pulun hamısını ortalıqda yeyiblər,indi də canları çıxır ki,heç olmasa təmiri başa çatdırsınlar.

 

 

Axırda bu millət ayağa qalxacaq,onda da "artıq tamah baş yarar" yox,"beyin dağıdar" misalını görəcəklər.Özü də nə hazırlanmış adamları,nə də başqa bir şey onlara kömək edəcək.Kütləni nə qədər qırsan da,əvvəl-axır biri sənin "yoğunlamış" boğazından yapışacaq.İnsanların canını boğazına yığmaq olmaz ee.İnşallah,əlimə imkan düşən kimi,birinci növbədə vətəndaşlığımı dəyişib,köçəcəm buralardan.Həmişə Azərbaycanın gələcəyinə inanmağa çalışırdım,ruhdan düşənləri dəstəkləyirdim ki,onlar da qayıtsın yollarına.Ancaq dünən gördüklərim,artıq son damla idi.Tüpürüm bu dəyusların cəmdəyinə!!!Qanınız xarabdı onsuz da,sizə xeyri yoxdur.

var,var...

[Deymon Salvatore]

var,var...

Bunu yumorla qarşılayırsınız,ancaq gülməli yerin gülmüşük,artıq ağlamaq və burun suyunu axıtmaq vaxtıdır.Biz öyrəncəkliyik axı

[Sunyata]

:)

 

 

 

 

Kəndxuda psixologiyası  bir bəladır , keçib Azərbaycan xalqının idarə  edən hissəsinin canına ...  Bəlkə də elə  bu psixologiya  ilə  barışan xalqın özünə də  ((

[fikus elastica]

Bunu yumorla qarşılayırsınız,ancaq gülməli yerin gülmüşük,artıq ağlamaq və burun suyunu axıtmaq vaxtıdır.Biz öyrəncəkliyik axı

heç də yumorla yazmadım. Biz hələ də gülürük,yox,yox, onlar gülürlər. belə halları adi qarşılamaq artıq bizlərin canına hopub, səbəb də, "düzələn deyil", "sizə xeyri yoxdur", " bura Azərbaycandı", "mən tək etiraz etsən nə olacaq ki" kimi yanaşma tərzindədi. Hər kəs öz qınına çəkilib, gözləyir. Amma nəyi? Çörək və tamaşanı?(((

[Deymon Salvatore]

heç də yumorla yazmadım. Biz hələ də gülürük,yox,yox, onlar gülürlər. belə halları adi qarşılamaq artıq bizlərin canına hopub, səbəb də, "düzələn deyil", "sizə xeyri yoxdur", " bura Azərbaycandı", "mən tək etiraz etsən nə olacaq ki" kimi yanaşma tərzindədi. Hər kəs öz qınına çəkilib, gözləyir. Amma nəyi? Çörək və tamaşanı?(((

Bəs nə etməli?Əgər kimsə qabağa dursa,arxasınca gələnlər işıq sürəti ilə yoxa çıxmaq bacarığını nümayiş etdirir.Millət həm qorxaqlaşıb,həm də etibarsızlaşıb.Adamda elə bir təəssürat yaranır ki,dünyanın ən güclü inqilabçılarından hansısa,yenidən dünyaya Azərbaycanda göz açsa,onu heç bir perspektiv gözləmir.Hardasa teksun qutusu ilə futbol oynayacaq,böyüyəndə institutu qurtarıb,fəhlə işləyəcək.Sonra da,səsini çıxaran kimi,hamı onunla razılaşacaq.Amma onu tutub basacaqlar içəri.Ola bilsin,başını da əkəcəklər.Camaat da,qısa müddət ərzində amneziya keçirən adamlar kimi,onu elə unudacaq,gəl görəsən.

[Мехди]

Nə danışırsınız, siz villa nədir, bütün Azərbaycanı da ala bilərsiniz.Onsuzda daha nə qalıbki..Elə bil Şuşanı Azərbaycanlılar işğal edib ermənilər yox..Belə almaq-satmaq həvəsi varsa bəlkə elə ermənilərdən alaq torpaqlarımızı.?? Daha doğrusu torpaqlarınızı.

[fikus elastica]

Millətimə qurban olum,siz də millət olun daaaa

https://www.youtube.com/watch?v=EgdRmM3mQC0