«Narkotikin Ona Məxsus Olduğunu Etiraf Edib»

[HPTRUEVISION]

«Oğlumu şərləyib tutublar, o, internetdə hökuməti tənqid edən yazılar yazırdı, bu səbəbdən də həbs olunub».

Bunu «Facebook»un 31 yaşlı istifadəçisi Əbdül Əbilovun anası Nurcahan Əbilova noyabrın 27-də AzadlıqRadiosuna deyib.

Əbdül Əbilov «Facebook»da «Yaltaqlara dur deyək» səhifəsinin admini olub.

Ananın söylədiyinə görə, oğlunu noyabrın 22-də saxlayıblar. Əbdülü tezliklə buraxacaqlarını dediklərindən məsələni ictimailəşdirməyiblər. Hətta oğlu zəng edərək bazar ertəsi evə gələcəyini də bildirib:

«9 nəfər mülkigeyimli evə girdi. Onlar ciblərindən nə isə çıxarıb oğlumun cibinə qoymaq istəyəndə, buna imkan vermədim, əllərindən aldım. Amma yenidən əlimdən aldılar. Nə qədər elədim alınmadı, oğlumu apardılar. Noyabrın 23-də getdim Mütəşəkkil Cinayətkarlıqla Mübarizə İdarəsinə, dedilər oğlunuzu filan yerə göndərəcəyik. Onda başa düşdüm ki, bizi aldadıblar».

Nurcahan Əbilova oğlunun tez-tez internetdə tənqidi fikirlər yazdığını deyir:

«Heç yerdə iş tapmırdı, elə kasıblıqdan yoldaşını müalicə etdirə də bilmirdi. Bu səbəbdən 3 uşaq itiriblər. Bu şeylərə görə əsəbiləşir, internetdə tənqidi fikirlər yazırdı».

Orxan Mansurzadə
«NARKOTİKİN ONA MƏXSUS OLDUĞUNU ETİRAF
EDİB»

Daxili İşlər Nazirliyi mətbuat xidmətinin şöbə rəisi Orxan Mansurzadə Əbdül Əbilovun konkret əmələ görə saxlandığını bildirir:

«Polislər əməliyyat məlumatları əsasında evinin qarşısında Əbdül Əbilovun üstündən heroin tapıblar. Narkotik maddənin ona məxsus olduğunu etiraf edib, onu evdə də saxladığını bildirib. Özünün iştirakı ilə evlərində axtarış aparılıb. Şahidlərin gözü önündə evlərindən külli miqdarda narkotik maddə götürülüb. Cinayət işi açılıb, barəsində həbs-qətimkan tədbiri seçilib. Onun «Facebook»dakı tənqidi fikirlərinə görə həbs olunması barədə deyilənlər doğru deyil. Bu, ictimai fikri yayındırmaq məqsədi daşıyır».

Nurcahan Əbilova isə oğlunun həbsi ilə əlaqədar prezidentə teleqram vurduğunu bildirir:

«Teleqramda hadisənin necə olduğunu göstərmişəm. Yazmışam ki, mənim oğlum hökuməti tənqid edirdisə, buna görə həbs edəydiniz, cəza da verəydiniz. Amma onu bu cür şərləmək Allaha xoş getməz».

[HPTRUEVISION]

Mualice uchun pul tapmayan gencin evinden "kulli miqdarda narkotik madde" tapiblar. Eshq olsun Azerbaycan polisine. Sizin  "fokus"lariniza Koperfild bele hesed aparir.

Edited November 27, 2013 by HPTRUEVISION

[gapgara]

"Bütün dünya bizim polislərin paxıllığını çəkir, gözləri götürmür. Bütün kriminalların üstü açılır, bunu statistika deyir, ona görə də paxıllıqlarından çoxları polisləri gözümçıxdıya salıblar"

[HPTRUEVISION]

Bu qeder de sirtiqliq olmaz da. Kimi yoxlayirlar ustunden narkotik madde tapilir. Ferqli birshey dushunun. Biraz fantaziyanizi ishe salin. Siz axi bunu bacarirsiniz.

[gapgara]

Bu qeder de sirtiqliq olmaz da. Kimi yoxlayirlar ustunden narkotik madde tapilir. Ferqli birshey dushunun. Biraz fantaziyanizi ishe salin. Siz axi bunu bacarirsiniz.

 

Nə təklif edirsiz? Bundan yaxşı nə ola bilər? Qarayaxma üçün narkotikdən yaxşı bir şey varmı?

[HPTRUEVISION]

Nə təklif edirsiz? Bundan yaxşı nə ola bilər? Qarayaxma üçün narkotikdən yaxşı bir şey varmı?

Elbetde ki var. Qarayaxmani da gerek ele edesen realliga yaxin ola.  Sher atmagin o qeder yolu var. Biraz fantaziyalarini ishletsinler.)

[HPTRUEVISION]

Bakı Apelyasiya Məhkəməsində “facebook” sosial şəbəkəsinin fəal istifadəçilərindən olan Əbdül Əbilovun barəsində həbs qərarının dəyişdirilməsi üçün verilmiş şikayəti təmin etməyib. Hakim Həsən Əhmədovun sədrliyilə keçirilən məhkəmədə Əbdül Əbilov barəsində Nərimanov rayon Məhkəməsinin çıxartdığı qərar qüvvədə saxlanılıb. Qeyd edək ki, məhkəmə Əbdül Əbilovun barəsində ilkin istintaq dövrü üçün 3 aylıq həbs-qətimkan tədbiri seçib.
Əbdül Əbilovun hüquqlarını Media Hüququ Institutunun vəkillərindən Elçin Sadıqov müdafiə edir. Vəkil çıxışında apelyasiya şikayətini müdafiə edərək Əbdül Əbilovun həbsinin qanunsuz olduğunu, onun şərləndiyini bildirib və Nərimanov rayon məhkəməsinin qərarının ləğvini tələb edib.
Iclasda Əbdül Əbilov özü də iştirak edib. O, həbsinin motivləri barədə çıxış edərkən şərləndiyini məhkəmənin diqqətinə çatdırıb: “Məni ”facebook"dakı yazılarıma görə həbs etdilər. Evimizdə axtarış apararkən narkotik maddəni zorla cibimə qoyub sənədləşdirdilər. Məni Daxili Işlər Nazirliyinin Baş Mütəşəkkil Cinayətkarlıqla Mübarizə Idarəsinə apardılar. Orada mənə psixoloji təzyiq etdilər, döyüb-söydülər. Zorla mənə qarşı irəli sürülən ittihamları təsdiqləyən ərizə yazmağa məcbur etdilər".
Məhkəmə Əbdül Əbilovun, onun vəkilinin arqumentlərini nəzərə almayıb.
Əbdül Əbilov ictimaiyyətə məktub göndərib. Sosial şəbəkə fəalı məktubunda yazır: “Vicdanı, əqidəsi, mənliyi olan hər bir insandan kömək gözləyirəm. Mənim günahım yoxdur. Mən şərlənmişəm...”
Qeyd edək ki, “facebook”da “Yaltaqlara ”dur" deyək" səhifəsinin və başqa tənqidi resursların idarəçilərindən olan Əbdül Əbilov noyabrın 22-də Daxili Işlər Nazirliyinin Baş Mütəşəkkil Cinayətkarlıqla Mübarizə Idarəsinin (DIN BMCMI ) əməkdaşları tərəfindən həbs olunub. Nərimanov Məhkəməsi noyabrın 23-də barəsində 3 aylıq həbs qətimkan tədbiri seçsə də, onu qanunsuz olaraq daha 3 gün BMCMI-də saxlayıblar. Ə.Əbilov noyabrın 27-də Bakı Istintaq Təcridxanasına köçürülüb.
Əbdül Əbilovun yaxınlarının verdiyi məlumata görə, onu yaşadığı mənzildə həbs ediblər. BMCMI-nin mənzildə axtarış aparan əməkdaşları Ə.Əbilovun cibinə narkotik maddə “atıblar”. Axtarış aparanlar özləri də Ə.Əbilovun saxlanılmasının əslində, onun “facebook”dakı fəallığı ilə bağlı olduğunu ifadə ediblər, ona məxsus olan “noutbook”u özlərilə aparıblar.
Ə.Əbilov həbs olunandan sonra “Yaltaqlara ”dur" deyək" səhifəsi də qapadılıb. Ə.Əbilovun təzyiqlərə məruz qaldığını deyən yaxınları narkotik maddə ittihamını rədd edir, onun sosial şəbəkələrdə hökuməti tənqid etdiyinə görə həbs olunduğunu bəyan edirlər.