Xoşbəxtlik axtarışı

[Zaman.]

Xoşbəxtlik axtarışı

Bəşəriyyətin əsas siması olan insan daim axtarışdadır. O, gah müxtəlif obrazların fonunda «uzaq səyahətlərə çıxır», gah da axtarışlar arasında «itib-batır». Təbiətindəki «axtarmaq və tapmaq» xüsusiyyəti onu demək olar ki, hər zaman qalib cəngavərə çevirmək gücünə malikdir.

Axtarış obyektlərinə gəlincə isə — bu, özlüyündə «müxtəlif səpkili mövzular məcmusudur» — desəm, yanılmaram; elmi axtarış, söz dünyasına baş vuraraq həyata keçirilən ədəbi-bədii axtarış, xoşbəxtlik axtarışı və s.

Özümü tanıyandan, dünyanı dərk edəndən bəri xoşbəxtlik arxasınca gah qaçan, gah ləng addımlarla addımlayan biri kimi deyə bilərəm ki, mütləq olaraq xoşbəxtlik duyğusuna qovuşmaq hətta arzu, istək performansında da mümkün deyil. Zamanı geri qaytarmaq və ya xəzinə tapmaq kimi utopik düşüncə və arzular vasitəsilə xoşbəxt olmaq düşüncəsi isə fikir sahibləri üçün sadəcə olaraq xəyal dünyasına növbəti səyahət şansıdır.

* * * 

Məşhur Amerika rejissoru Robert Zemekisin illər öncə ekranlara çıxan «Geriyə, gələcəyə» adlı fantastik filmindəki qəhrəmanların zamanlararası səyahətini bu gün də həyəcansız izləyə bilmirəm. Filmin əsas qəhrəmanı Martin Makflayın doktor Braun tərəfindən icad olunan zaman maşını ilə gah keçmişə, gah gələcəyə yollanması filmi izləyən insanda bir növ ümid yaradır; nə vaxtsa bu cür zaman maşınının kəşf olunacağını, həmin maşınla keçmiş günlərə yollanıb səhvlərinə düzəliş edəcəyini və ya ötən günləri xatirə olaraq xatırlamaq deyil, canlı surətdə görə bilmək şansına sahib olacağını xəyal edir. Ya da elə gələcəyə getmək, müəyyən zaman sonra tutacağı mövqeyi, qazanacaqları və ya itirəcəklərinin şahidi olmaq yəqin ki, izləyicilərin əksəriyyətin fikrindən keçmişdir. 

* * * 

Bu yerdə söyləməliyəm ki, Paulo Koelyonun «Kimyagər» əsəri mənim üçün bir çox hallarda «xoşbəxtlik» mövzusuna açar rolunu oynayır. Santyaqonun «yuxusu», həmin yuxunun ardınca uzaq diyarlara yollanması və nəhayət, taleyinə yazılmış uğuru əldə etməsi oxucunu «axtardığını tapacağına» bir daha əmin edir — bu mövzuda istifadə etdikləri «olmayacaq», «ola bilməz» kimi yanlış ifadələrə inanan kəslərin isə ümid etməkdən başqa «yolu» qalmır.

Əslində, bu cür fatalist düşüncələrin hansı sonluqla yekunlaşacağını bilmək üçün elə Santyaqo kimi «yuxuların yozulmasına müraciət etmək» ən uğurlu variantdır. Bu zaman da başqa əngəl yaranır: yuxuyozan tapmalı. Bəs haradan? Bəlkə elə yuxuları özün yozasan; hansısa şəxsin, əşyanın, ya da fantastik varlıqların hansı məqsədlə yuxuna gəldiyini məhz özün dərk edəsən… Zira, yuxular bizə hadisələrin başlanması, kulminasiyası və finalı haqqında ip ucu vermək gücünə malikdir.

Beləliklə, xoşbəxtlik axtarışında olan insan göndərilən «siqnallar»ı, «işarələr»i qəbul etməli, həm ətrafında, həm də yuxusunda gördüyü hər şeyə — hər bir nəsnəyə diqqət yetirməli, heç bir əlaməti gözdən qaçırmamalı, ən kiçik, mənasız görünən hadisədən belə diqqətini yayındırmadan incələməyi bacarmalıdır. Hər nə qədər «bacarmalıdır» ifadəsi özlüyündə hökm kimi səslənsə də, bunu həyat devizinə çevirmək elə insanın öz əlindədir.

Bəs tale, qismət, bəxt? Axı həyatı idarə etməyə yönəlmiş bütün bu anlayışlar dolayı yolla da olsa, özlərini yaşamın bir hissəsinə aid etməyi bacarmışlar. Elə bu yerdə daha bir sual çıxır ortaya — fatalist düşüncə tərzi ilə kamilliyə və əslində dolayı yolla da olsa, xoşbəxtliyə doğru addımlamaq olarmı? Təbii ki, yox. Bu üsul olsa-olsa, mənəvi cəhətdən arxayınlığa apara bilər. Lakin xoşbəxtlik tənliyinin həlli kimi həm fiziki, həm mənəvi sakitliyə qovuşmağa çalışan insan üçün bu vəziyyətə çatmaq elə xoşbəxtliyi əldə etməkdir. Bu, hər nə qədər istisna hal olsa belə, xoşbəxtliyin həyata keçməsi yolunda «istifadə edə bildiyimiz» mümkün variantlardandır. 

* * * 

Və bir gün insan başa düşür ki, ən cüzi hadisələrə, əhəmiyyətsiz hesab etdiyi hisslərə görə də xoşbəxt olmaq mümkündür. Elə həmin andan da xoşbəxtliyi az qala ən xırda detallarda axtardığı kimi, onu ən adi hadisə zamanı itirə biləcəyini yaxşı başa düşür. «Mənim olanları, mənə bağlı olanları qorumaq» instinkti sayəsində özünün, sevdiklərinin həyatını mühafizə etməyə çalışır, övladının qayğısına qalır...

Baş verən heç nəyə "əhəmiyyətsizdir" — deyib keçməyək. «Xoş-bəxtlik» və «Bəd-bəxtlik» arasında bir hecalıq fərq olduğu kimi, xoşbəxt olmaqla bədbəxt olmaq arasında da bir addımlıq məsafə var… Bəxtimizi sınayaq, məsafələri qoruyaq, xoşbəxt olaq… 

Xatirə NURGÜL

[Zaman.]

zənnimcə bu məqaləni diletant yazıb........

əzab-əziyyət görməyən, bərkə-boşa düşməyən romantik bir uşaq

-------------------------------------------

özüdə ki disputdakı mövzuları  yaxşıca ələk-vələk edib)))

[Slay]

Moşu demişkən  Xoşbaxtlıq , xoşbaxtlıq ))

Xoşböxtlik nədir ? Yəqinki sadə tərifi belə olar .Insanın özünü xoşbəxt hiss etməsinə xoşbəxtlik deyilir. Ən yaxşı xoşbəxtlikdə o olarki, bütün ömrü boyu hər şey qaydasında gedə. bəh bəh 

bəh))

[Igolka]

Maraqlısı odur ki,çox insan bir digeri haqqında çox vaxt xoşbext adamdır,bexteverdir ifadelerini serf edir.

Onun heyatını tam bilmeden,ne yaşadığını,ne hiss etdiyini,nelerden keçdiyini.

Özünü ise hemişe bedbext sayır.Öz xırda problemi böyük derddir.Hell olunmazdır.

Amma baaaaax! Filankes xoşbextdir.Her şeyi var,derdi de yoxdur.

))) 

[Kenul2012]

Maraqlısı odur ki,çox insan bir digeri haqqında çox vaxt xoşbext adamdır,bexteverdir ifadelerini serf edir.
Onun heyatını tam bilmeden,ne yaşadığını,ne hiss etdiyini,nelerden keçdiyini.
Özünü ise hemişe bedbext sayır.Öz xırda problemi böyük derddir.Hell olunmazdır.
Amma baaaaax! Filankes xoşbextdir.Her şeyi var,derdi de yoxdur.
))) 

Qısacası " içim özümü yandırır,çölüm özgeni"

[Igolka]

37 минут назад, Kenul2012 сказал:

1 час назад, Igolka сказал:

Maraqlısı odur ki,çox insan bir digeri haqqında çox vaxt xoşbext adamdır,bexteverdir ifadelerini serf edir.
Onun heyatını tam bilmeden,ne yaşadığını,ne hiss etdiyini,nelerden keçdiyini.
Özünü ise hemişe bedbext sayır.Öz xırda problemi böyük derddir.Hell olunmazdır.
Amma baaaaax! Filankes xoşbextdir.Her şeyi var,derdi de yoxdur.
))) 

Qısacası " içim özümü yandırır,çölüm özgeni"

Olsun qısacası.

[NOIR]

В 28.10.2018 в 18:14, Igolka сказал:

Maraqlısı odur ki,çox insan bir digeri haqqında çox vaxt xoşbext adamdır,bexteverdir ifadelerini serf edir.

Onun heyatını tam bilmeden,ne yaşadığını,ne hiss etdiyini,nelerden keçdiyini.

Özünü ise hemişe bedbext sayır.Öz xırda problemi böyük derddir.Hell olunmazdır.

Amma baaaaax! Filankes xoşbextdir.Her şeyi var,derdi de yoxdur.

))) 

) bilirsiz İqolka, insanlar hər şeyi müqayisədə dərk edirlər. 

biri öz həyatındakı uğursuzluğu digərinin "görünən" uğuru ilə müqayisə edir və əlbəttə ki, bu zaman özünü bədbəxt və naqis hiss edəcək. 

[toni75]

В Mon Oct 08 2018 в 00:03, Slay сказал:

Moşu demişkən  Xoşbaxtlıq , xoşbaxtlıq ))

Xoşböxtlik nədir ? Yəqinki sadə tərifi belə olar .Insanın özünü xoşbəxt hiss etməsinə xoşbəxtlik deyilir. Ən yaxşı xoşbəxtlikdə o olarki, bütün ömrü boyu hər şey qaydasında gedə. bəh bəh 

bəh))

Sizinle tam razıyam. Xoşbextliyi duymaq gerekdir. 

[NOIR]

14 часа назад, toni75 сказал:

Sizinle tam razıyam. Xoşbextliyi duymaq gerekdir. 

xoşbəxtliyi tutmaq gərəkdir ))) tutmaq və daha əldən buraxmamaq ))

[Igolka]

Yoooox..insan isteyir ki,o hamıdan xoşbext olsun.Yalnız öz xoşbextliyini axtarıb başqalarını unutsa tez bir zamanda onu xoşbext hiss etdirecek şeraiti tapar.Amma elinde olan az gelir başqasının yaşantısı xoş gelir.İsteyir ondan da,o birisinden de xoşbext bu olsun.)

 

 

[toni75]

13 часа назад, NOIR сказал:

xoşbəxtliyi tutmaq gərəkdir ))) tutmaq və daha əldən buraxmamaq ))

Razıyam.Amma,tutmaq üçün insanda xoşbextliyi duymaq bacarağı olsun gerek.  

[Slay]

Insanın şəxsiyyəti sabitliyin və dinamikliyin vəhdətidir. Sabitlik aydın məsələdir.Insanın inandığı dəyərlər,əqidə və s. Bəs dinamiklik nədir? Insanın yeniliyə,öyrənməyə,yaratmağa,inki-

şafa can atmağı. Məhz dinamiklik sayəsində  insanın xoşbəxtlik duyumu dahada zənginləşir.Həyatı dahada mənalı olur. 

Tənbəl,qorxaq insanların xoşbəxtlik duyumu cılız olur.

[Happy_7]

Xosbextlik insanin daxilinde yaranan bir hissdi. Onu yaranmasina da tekan vermek mehs insanin oz elindedi

[Error_sp0113]

en boyuk xosbextlik saglamliqdir ve dogma ailesinin minimum teminati

[Hud Nero]

В 7.10.2018 в 19:48, Zaman. сказал:

Baş verən heç nəyə "əhəmiyyətsizdir" — deyib keçməyək. «Xoş-bəxtlik» və «Bəd-bəxtlik» arasında bir hecalıq fərq olduğu kimi, xoşbəxt olmaqla bədbəxt olmaq arasında da bir addımlıq məsafə var… Bəxtimizi sınayaq, məsafələri qoruyaq, xoşbəxt olaq… 

Elə mən də onu deyirəmdə, xoşbəxt olaqda, amma necə??? Bu sualın cavabına komandanın kapitanı cavab verəcək? Kapitan, ey kapitan, səni deyirləreee.