Pensiyanın başqa ada köçürülməsi yaxud varisə yardım.

[gapgara]

Pensiya alan ailə başçısı dünyasını dəyişəndə onun pensiyası həyat yoldaşının və ya azyaşlı övladının adına köçürülür. Eləcə də valideyinlərdən daha çox pensiya alan dünyasını dəyişəndə onun pensiyasını daha az pensiya alan həyat yoldaşının adına keçirılə bilir. Bu barədə məlumatı olan və ya bu barədə qanundan xəbəri olan yazardı zəhmət olmasa. 

Edited January 10, 2017 by gapgara

[Waterandsun]

Bildiyimə görə, ailə başçısı itirildiyi halda onun həyat yoldaşına təqaüdünün 30%, yetkinlik yaşına çatmayan övladına da həmçinin. Əgər həmin uşaq ali təhsilə qəbul olunarsa ali təhsil müəssisəsini bitirənədək hər il arayış təqdim etməklə təqaüdü almaqda davam edir. 

Dəqiqləşdirmək lazımdır.

[gapgara]

Axtardığım qanun bu idi:                                                                                                      

AİLƏ BAŞÇISINI İTİRMƏYƏ GÖRƏ ƏMƏK PENSİYASI 

M a d d ə  14. Ailə başçısını itirməyə görə əmək pensiyası hüququ olan ailə 

 üzvləri

14.1. Vəfat etmiş və ya həlak olmuş ailə başçısının öhdəsində olan (vəfat edənin tam təminatında olan və ya ondan özlərinin yaşayışı üçün daimi və əsas vəsait mənbəyi kimi kömək alan) aşağıdakı ailə üzvlərinin ailə başçısını itirməyə görə əmək pensiyası hüququ vardır:

14.1.1. vəfat etmiş və ya həlak olmuş şəxslərin övladları:

14.1.1.1.  18 yaşına çatmamış;

14.1.1.2.  18 yaşına çatanadək sağlamlıq imkanlarının məhdudluğu müəyyən olunmuş 18 yaşından yuxarı əlil; 

14.1.1.3.  təhsil müəssisələrinin əyani şöbəsində təhsil alanlar, lakin ən çoxu 23 yaşına çatanadək;

14.1.2. ata, ana, ər, arvad bu Qanunun 7-ci maddəsinə uyğun olaraq müəyyən edilmiş pensiya yaşına çatmışdırsa, yaxud I və ya II qrup əlildirsə;

14.1.3. yaşından və əmək qabiliyyətindən asılı olmayaraq valideynlərdən biri və ya ər (arvad), yaxud baba, nənə, qardaş, bacı vəfat etmiş və ya həlak olmuş ailə başçısının 8 yaşına çatmamış uşaqlarına, qardaşlarına, bacılarına, nəvələrinə baxırsa və işləmirsə.

14.2.    sığortaolunan qanunvericilikdə nəzərdə tutulmuş qaydada xəbərsiz itkin düşmüş və ya ölmüş elan edildiyi halda, onun ailə üzvləri vəfat etmiş və ya həlak olmuş ailə başçısının ailə üzvləri ilə bərabər əsaslarla ailə başçısını itirməyə görə əmək pensiyası hüququna malikdirlər.

14.3.    Xəbərsiz itkin düşmüş və ya ölmüş elan edilən sığortaolunan qayıtdıqda və ya onun olduğu yer aşkar edildikdə, onun ailə üzvlərinə ödənilən ailə başçısını itirməyə görə əmək pensiyası dayandırılır.

[gapgara]

В 1/12/2017 в 11:24, Waterandsun сказал:

Bildiyimə görə, ailə başçısı itirildiyi halda onun həyat yoldaşına təqaüdünün 30%, yetkinlik yaşına çatmayan övladına da həmçinin. Əgər həmin uşaq ali təhsilə qəbul olunarsa ali təhsil müəssisəsini bitirənədək hər il arayış təqdim etməklə təqaüdü almaqda davam edir. 

Dəqiqləşdirmək lazımdır.

30% yox, pensiya tam şəkildə ancaq öhdəsində olanlar arasında bölünür.