Unutmadıq..

[Happ|n3ss]

Bugun Lacin sheherinin ishgalindan 24 il otur.

 

Ishgal neticesinde 264 shehid, 65 nefer girov ve 103 nefer elil olmushdur..

 

Allah shehidlerimize rehmet elesin..

 

Unutmadiq..

[Мехди]

Elə movzuda gösterdiymiz aktivliyə gore melumdur unutmadığımız.

[Happ|n3ss]

Just now, Мехди said:

Elə movzuda gösterdiymiz aktivliyə gore melumdur unutmadığımız.

Hansi movzuda xanim?

[gapgara]

4 hours ago, Мехди said:

Elə movzuda gösterdiymiz aktivliyə gore melumdur unutmadığımız.

Xalq yorulub (

[Baku2018]

В 18.05.2016 в 21:58, gapgara сказал:

Xalq yorulub (

Bu choz sade ve primitiv behanedir ))

[Ahliman]

XİN-in etiraz notaları “işləmir”? - Separatçıların lideri bu dəfə Belçikada

Azərbaycanın işğal altındakı torpaqlarında yaradılmış qondarma rejimin “prezidenti” Bako Saakayan ötən gün Belçikaya səfər edib.

Modern.az xəbər verir ki, Saakyan Brüsseldə erməni icması ilə görüşüb. Bundan sonra o, Flamandiya regionunun 10-ə yaxın parlament üzvü ilə danışıqlar aparıb.

 

Saakyan Belçika nümayəndələrini Qarabağa səfər etməyə səsləyib.

Xatırladaq ki, son zamanlar separatçı qurum nümayəndələrinin xarici ölkələrə səfərləri intensivləşib. Belə ki, Azərbaycan XİN-i noybarın 1-də qondarma rejimin “xarici işlər naziri” Masis Mailyanın ABŞ-a səfəri və sözdə “soyqırımı”nın Nümayəndələr Palatasında qəbul olunması ilə bağlı Vaşinqtonun ölkəmizdəki səfiri Li Litsenbergerə nota təqdim etmişdi.

Analoji nota noyabrın 6-da Rusiyanın Azərbaycandakı səfiri Mixail Boçarnikova da verilmişdi. Nota Masis Mailyan və qondarma qurumun “mədəniyyət naziri” Lernik Ovannisyanın Moskvaya səfəri ilə bağlı təqdim olunmuşdu. 

[Ahliman]

Almaniyada Qarabağla bağlı təxribatın qarşısı alındı

Azərbaycan Xarici İşlər Nazirliyi (XİN) Almaniyada ermənilərin növbəti təxribatının qarşısının alınması barədə məlumat yayıb. 

“Mətbuatda Almaniyanın “EuroSchein-Souvenir GmbH” şirkətinə məxsus internet səhifəsində ölkəmizin Ermənistan tərəfindən işğal olunmuş ərazilərindəki qondarma rejimə həsr olunan suvenir avro əskinaslarının buraxılması ilə bağlı məlumat yayılıb.

 

Məsələ ilə əlaqədar ölkəmizin Almaniyadakı Səfirliyi dərhal sözügedən şirkətin icraçı direktoru ilə əlaqə saxlayıb və ona etiraz məktubu ünvanlayıb. Ermənistan-Azərbaycan münaqişəsi, Azərbaycanın işğal olunmuş Dağlıq Qarabağ və ətraf rayonlarında işğalçı Ermənistan tərəfindən yaradılmış qondarma rejim və bu ərazilərdəki qanunsuz fəaliyyət barədə qarşı tərəfə ətraflı məlumat verilib. Şirkətdən qanunsuz rejimin təşviqinə xidmət edən addımlardan çəkinmək tələb olunub.

 

Müqabil tərəf müraciətimizə dərhal reaksiya verərək, yazılı cavab məktublarında buraxdıqları səhvə və səbəb olduqları narahatlığa görə üzr istəyib, müvafiq suvenir əskinasların dizaynının onlar tərəfindən deyil, lisenziya əsasında fəaliyyət göstərən digər şirkət tərəfindən tərtib olunduğunu bildiriblər.

Buna baxmayaraq, müraciətimizdən sonra məsələnin aidiyyəti üzrə müzakirə edildiyi qeyd olunub və müvafiq suvenirlərin istehsal edilməməsi və bu barədə məlumatın (“link”in) internet səhifəsindən silinəcəyi vəd olunub.

Qeyd etmək istərdik ki, sözügedən məlumat artıq alman şirkətinin internet səhifəsindən silinib”.

[Ahliman]

Fuad Muradov: Diaspor sahəsində 27 ölkəni əhatə edən 11 Koordinasiya Şurası yaradılıb

Diasporla İş üzrə Dövlət Komitəsində kollegiya iclası keçirilib.

Toplantını giriş sözü ilə açan Dövlət Komitəsinin sədri Fuad Muradov rəhbərlik etdiyi qurumun fəaliyyətinə nəzər salıb, diasporla işin düzgün qurulmasının istiqamətləri və qarşıda duran yeni hədəflər barədə danışıb. 

O bildirib ki, Prezident İlham Əliyevin Azərbaycan diasporuna qayğısı, Dövlət Komitəsinə münasibəti öz müsbət nəticələrini verir:

 

“Bizim işimiz, həmçinin, diasporumuzun səmərəli fəaliyyəti ölkəmizin müstəqilliyinin qorunması ilə birbaşa bağlıdır. Biz bu işdə məsuliyyətimizin nə qədər böyük olduğunu bilirik və strateji hədəflərimizə çatmaq yolunda var gücümüzlə çalışırıq”.

 

Diqqətə çatdırılıb ki, qısa müddətdə 27 ölkəni əhatə edən 11 Koordinasiya Şurası yaranıb, xaricdə yaşayan azərbaycanlıların şəbəkələşməsi və vahid platformalarda birləşməsi üçün mühüm addımlar atılıb.

Diaspor təşkilatları və ayrı-ayrı şəxslər Azərbaycan torpaqlarının işğalı ilə bağlı həqiqətlərin dünya ictimaiyyətinə çatdırılması, heç bir əsası olmayan erməni iddialarının ifşası ilə əlaqədar böyük işlər görürlər. Diasporumuzla real və virtual əlaqələrin daha da möhkəmlənməsinin nəticəsidir ki, bu gün dünyanın müxtəlif ölkələrində yaşayan on minlərlə soydaşımız özünü bu xalqın və bu vətənin bir parçası kimi hiss edir.

İclasda “İnsan resursları, hüquq və sənədlər iş” və “Təbliğat, informasiya, və analitik təhlil” şöbələrinin fəaliyyəti ilə bağlı məruzələr dinlənilib. Bildirilib ki, son iki il ərzində səkkiz normativ-hüquqi sənəd layihəsi hazırlanıb, sənədlərin elektron bazası formalaşdırılıb, informasiya və təbliğat işinin təşkili istiqamətində Media, İKT Mərkəzi formalaşdırılıb, rəsmi internet saytı üç dildə fəaliyyət göstərir və 98 ölkədən izlənir.

 

Mərkəzə daxil olan infoqrafik xəritədə 49 ölkədə fəaliyyət göstərən 500-dən çox diaspor təşkilatı haqqında informasiya toplanıb, son dövrlər elektron müraciətlərin sayı artıb və operativ şəkildə cavablandırılır. Məruzələrdə sənəd dövriyyəsi, Diaspor TV və Diaspor FM-in fəaliyyəti, sosial şəbəkələrdə işin qurulması, Komitədə yaradılan informasiya bazası və ondan istifadə və s. məsələlər konkret rəqəmlərlə diqqətə çatdırılıb.

Dövlət Komitəsinin həyata keçirdiyi irihəcmli layihələr, informasiya və təbliğat sahəsində görülən işlər, qarşıya qoyulmuş hədəflərə çatmaq üçün müəyyən olunan Strateji Yol xəritəsinin həyata keçirilməsində kollektivin məsuliyyəti, hər bir şəxsin peşəkar vərdişlərinin daha da təkmilləşdirilməsi və s. məsələlər müzakirə olunub, statistik göstəricilər təhlil edilib, geniş fikir mübadiləsi aparılıb.

 

 

[Ahliman]

Leonid Kalaşnikov: Armavirdə Njdenin şərəfinə qoyulan lövhə yığışdırılmayınca sakitləşməyəcəm

Yerevanda bir müddət əvvəl baş tutan Kollektiv Təhlükəsizlik Müqaviləsi Təşkilatı (KTMT) Şurası və Parlament Assambleyasının iclasları Rusiya Dövlət Dumasının MDB məsələləri, Avrasiya inteqrasiyası və həmvətənlərlə əlaqələr komitəsinin sədri Leonid Kalaşnikovun Ermənistana gəlməsi səbəbindən ən yüksək gərginliklə yadda qalıb. 

Media.Az-ın bundan əvvəl verdiyi məlumata görə, rusiyalı deputat Rusiyanın Armavir şəhərində Qaregin Njdenin xatirə lövhəsinin sökülməsi ilə şəxsən məşğul olacağını vəd edib. 

Buna cavab olaraq, hətta o, fiziki zorakılıqla hədələnib və bəzi “kədərli nəticələr” işarə edilib. Bundan əlavə, rusiyalı deputatın ölkədən çıxarılması üçün çağırışlar edilib. Ancaq heç bir erməni jurnalist Leonid Kalaşnikova nasist Qaregin Njdeyə münasibətini soruşmayıb.

 

Bununla bağlı Media.Az-a açıqlamasında Rusiya Dövlət Dumasının komitə sədri şəxsən danışıb. 

- Siz Yerevanda keçirilən KTMT iclasında iştirak etdiniz. Sizin səfərinizə qədər erməni sosial şəbəkələrində ünvanınıza təhdidlər səsləndirilirdi, Qaregin Njdeyə qarşı mövqeyinizə görə sizi deportasiya etmək çağırışı edilirdi. Hansısa aqressiya ilə qarşılaşdınız? 

- Xeyr, bütün bu çağırışlara və hücumlara baxmayaraq, nə jurnalistlər, nə də hakimiyyət narazılıq bildirdi. Rəsmi qərəz olmadı. Bundan başqa, mənə bununla bağlı sual verilmədi (Qaregin Njde ilə bağlı – red.). Görünür, başa düşdülər ki, mən dürüst və birbaşa cavab verəcəm. Məndə ikili yanaşma yoxdur, əgər erməni jurnalistlər soruşsaydılar, eyni mövqe sərgiləyərdim. 

- Ermənistan KİV-də ölkənin KTMT-dən çıxması ilə bağlı çağırışlar səsləndirilir və bildirirlər ki, təşkilat onlara kömək etmir. Siz Yerevanda əhval-ruhiyyəni hiss etdinizmi? 

- Mən belə bir şey hiss etmədim. Əlbəttə, Ermənistanda KTMT-dən çıxmağın tərəfdarı olan müəyyən qüvvələr var, amma bu rəsmi mövqe deyil. KTMT-nin, Rusiyanın dəstəkləməsi Ermənistan üçün ölüm və olum məsələsidir. KTMT və Rusiya olmadan Ermənistan var ola bilməz. Bütün bu hücumlar və çağırışlar (anti-Rus - red.) Ermənistanı həyati maraqlarından uzaqlaşdırır. Ona görə heç kim heç nədən çıxmayacaq. 

Mən erməni jurnalistlərə Azərbaycana silah tədarükü barədə də cavab verdim. Axı Ermənistana da silah tədarük edilir. Biz Ermənistana silah satanda azərbaycanlılar da qəzəblənir. Dedim ki, heç kimə silah satmamaq yaxşı olardı, əgər belə olubsa, onda sizə müttəfiq kimi, Azərbaycana tərəfdaş kimi təqdim edirik.

KTMT məsələsinə qayıdaq. Əgər Azərbaycan təşkilata qoşulmaq istəyirsə və bizim Bakı ilə ortaq maraqlarımız və məsələlərimiz varsa, Ermənistan buna qarşı olacaq və mən bunu da Yerevanda dedim. Mənə sual verən erməni jurnalistlər susdular. 

Rusiya Dövlət Dumasının MDB məsələləri, Avrasiya inteqrasiyası və həmvətənlərlə əlaqələr komitəsinin sədri olaraq mənim üçün Qaregin Njdenin lövhəsi qırmızı əski kimidir. Onu yığışdırmayınca, mən sakitləşməyəcəm. 

Azərbaycan və Ermənistanla dostluq məsələsinə gəlincə, onlar mənim üçün eynidir. Ancaq Qaregin Njdeyə görə mən Ermənistandakı millətçilərin xeyrinə oynamayacam.

[Ahliman]

“Köçəryanın vəkillərinin onun sərbəst buraxılması üçün girov verilməsi tələbi rədd edilsin”, - deyə hakim bildirib.

Qeyd edək ki, Koçaryan böyük məbləğdə rüşvət almaq və konstitusiya rejimini devirməyə cəhddə günahlandırılır.

[Ahliman]

ATƏT sədri Minsk qrupunun həmsədrləri ilə Dağlıq Qarabağı müzakirə etdi

Slovakiyanın xarici işlər naziri, ATƏT-in fəaliyyətdə olan sədri Miroslav Layçak Minsk Qrupunun həmsədrləri ilə görüşüb.

Slovakiya XİN-in rəsmi saytı xəbər verir ki, görüşdə Dağlıq Qarabağ münaqişəsinin həlli perspektivləri müzakirə olunub.  

Görüşdə Rusiyadan İqor Popov, Fransadan Stefan Viskonti, ABŞ-dan Endryu Şoffer və ATƏT-in fəaliyyətdə olan sədrinin şəxsi nümayəndəsi Anjey Kaspşik iştirak ediblər.

 

“Məmnunam ki, həmsədrlər tərəflərlə birlikdə gərginliyin azaldılması və barışığa şərait yaradan gələcək tədbirlər barədə müzakirələri davam etdirirlər. Slovakiya bi işdə öz köməyini əsirgəməyəcək”, - deyə ATƏT sədri bildirib.

Görüşdə, həmçinin dekabrın 5-6-da Slovakiyanın paytaxtı Bratislavada keçiriləcək ATƏT-in Xarici İşlər Nazirləri Şurasına hazırlıq müzakirə edilib.

 

 

 

 

Bizimlə əlaqə saxlayın

[Ahliman]

Elmar Məmmədyarov: "Torpaqlarımız Ermənistan tərəfindən işğal olunmasaydı..."

#SİYASƏT

 

İƏT bölgəsində həll olunmamış münaqişələr, o cümlədən Ermənistan-Azərbaycan münaqişəsi bizim hərtərəfli əməkdaşlığımızın qarşısını alır

Milli.Az Trend-ə istinadən bildirir ki, Azərbaycanın Xarici İşlər Naziri Elmar Məmmədyarov İqtisadi Əməkdaşlıq Təşkilatı (İƏT) Xarici İşlər Nazirləri Şurasının iclasında çıxışı zamanı deyib.

Nazir bildirib: "Əlbəttə, Antalya Kommünikesində də əks olunduğu kimi hamımız etiraf etməliyik ki, İƏT bölgəsində həll olunmamış münaqişələr, o cümlədən Ermənistan-Azərbaycan münaqişəsi bizim hərtərəfli əməkdaşlığımızın qarşısını alır.

Yerindəcə mövcud olan təhdidedici reallıqlar həllini tapmalıdır ki, ölkələrimiz arasında daha çox əməkdaşığa imkan yaransın.

Həmçinin kommünikedə əks olunmuş digər mühüm bir müddəa mövcud münaqişələr və birgə təhdidlər də daxil olmaqla bölgədəki digər təzyiqlərin qarşısını almağı nəzərdə tutur.

Təəsüf ki, bu sadəcə reallığın siyasi şəkildə əks olunması deyil, həmçinin bölgəmiz üçün iqtisadi imkanların itirilməsi deməkdir. Məsələn, əgər torpaqlarımız Ermənistan tərəfindən işğal olunmasaydı, o zaman İran və Naxçıvan arasında birbaşa dəmir yolu əlaqəmiz ola bilərdi.

Bu münasibətlər həmrəylik prinsiplərinə əsaslanırlar və bu daha da güclənməlidir. Siyasi və hərbi təhdidlər, o cümlədən işğal olunmuş ərazilərdə qanunsuz fəaliyyətlər aradan qaldırılmasa, regional iqtisadi əməkdaşlıq mümkün deyil. Buna görə 2017-ci il İslamabad Sammitinin Bəyannaməsində bu mövzu ilə əlaqədar vurğulanan məqamlar İƏT üzv dövlətlərinin öz milli və regional fəaliyyətlərində aktuallaşdırılmalıdır".

[Ahliman]

Tərtər, Ağdam, Xocavənd, rayonlarının bəzi kəndləri atəşə tutuldu

Ermənistan silahlı qüvvələrinin bölmələri cəbhənin müxtəlif istiqamətlərində snayper tüfənglərindən də istifadə etməklə sutka ərzində atəşkəs rejimini 20 dəfə pozub.

Milli.Az-a Müdafiə Nazirliyinin mətbuat xidmətindən verilən məlumata görə, Ermənistanın Berd rayonunun Çinari kəndində yerləşən mövqelərdən Tovuz rayonunun Əsrik Cırdaxan kəndində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Ağdam rayonunun Kəngərli, Acarlı, Xocavənd rayonunun Kuropatkino, Füzuli rayonunun Qaraxanbəyli kəndləri yaxınlığında, həmçinin Goranboy, Tərtər və Xocavənd rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

[Ahliman]

Leyla Abdullayeva: "Mnatsakanyan anlamalıdır ki..."

 

"Mnatsakanyan anlamalıdır ki, onun dediyi kimi bizim və ya sizin həqiqət olmur; həqiqət birdir və bu həqiqət dünya ictimaiyyətinə çox yaxşı bəllidir".

Milli.Az xəbər verir ki, bunu Trend-ə Xarici İşlər Nazirliyinin mətbuat katibi Leyla Abdullayeva erməni xarici işlər naziri Z.Mnatsakanyanın İsveçin Beynəlxalq Münasibətlər İnstitutunda çıxışı zamanı Ermənistan-Azərbaycan münaqişəsi ilə bağlı söylədiyi fikirlərə münasibət bildirərkən deyib.

L.Abdullayeva bildirib ki, əslində, Ermənistan xarici işlər naziri yeni heç bir fikir söyləməyib:

"Beynəlxalq səviyyədə işğalçı kimi tanınan bir ölkə rəsmisinin Azərbaycanın beynəlxalq tanınmış sərhədləri çərçivəsindəki ərazilərini güya ki, özünün işğal etməsi barədə eyni əsassız iddiaları. Məsələnin beynəlxalq hüquqi tərəfini bir kənara qoyaq, bu, heç normal düşüncə çərçivəsinə belə sığmır. Təsəvvür edin bir ölkə qanunsuz şəkildə digər ölkənin ərazilərini işğal edir, bu ərazilərdə tarixən yaşayan yerli azərbaycanlıları etnik təmizləməyə məruz qoyur, sonra da iddia edir ki, "bu ərazilərdə yaşayan 150.000 erməninin təhlükəsizlik problemi var". Bu ermənilərin ailələri, evləri, adları olduğunu səsləndirən erməni naziri görəsən öz ölkəsinin təcavüzkar siyasəti nəticəsində 1 milyondan artıq azərbaycanlının evlərindən məhrum olduğunu, ailələrinin paramparça olduğunu, adlarının məcburi-köçkün və qaçqına çevrildiyini heç düşünübmü? Əlbəttə yox, əgər düşünsəydi bu kimi cəfəng fikirlərlə özünü və xalqını aldatmazdı və münaqişənin həlli istiqamətində real addımlar atılardı. Mnatsakanyan anlamalıdır ki, onun dediyi kimi bizim və ya sizin həqiqət olmur; həqiqət birdir və bu həqiqət dünya ictimaiyyətinə çox yaxşı bəllidir. Sadəcə mövcud həqiqətləri saxtalaşdıraraq onu öz maraqları naminə müxtəlif şəkillərdə təqdim etmək təcrübəsi də mövcuddur ki, bunu da ən yaxşı Ermənistan bacarır".

[Ahliman]

Rusiya Ermənistan qarşısında öz öhdəliklərini sona qədər icra edir.

Axar.az xəbər verir ki, bunu “168.am”a müsahibəsində rusiyalı hərbi ekspert Aleksandr Xramçixin deyib. O, Dağlıq Qarabağda hərbi fəaliyyətlərin yenilənəcəyi halda KTMT-nin konfliktə müdaxilə etməyəcəyini bildirib:

“KTMT yalnız Ermənistan ərazisinə hücuma məruz qalacağı halda reaksiya verəcək. Ehtiyac yaranacağı təqdirdə Ermənistan gərək rəsmi şəkildə KTMT-yə müraciət etsin. KTMT-nin bütün üzvləri üçün belə dəstəyin verilib-verilməyəcəyini demək çətindir, amma Rusiya KTMT çərçivəsində öz öhdəliklərini mütləq icra edəcək”.

102-ci bazanın hərbi potensialının artırılması məsələsinə gəlincə isə Xramçixin buna yalnız prosesin bitməsindən sonra qiymət verilə biləcəyini deyib. O, hazırda Rusiyanın Ermənistandakı hərbi bazalarının köhnəldiyini və hətta bu bazada artıq Rusiyada istifadə edilməyən silahların olduğunu söyləyib.

Xramçixinin Rusiya bazasının Ermənistandan çıxarılmasının İrəvanın daxili işi olduğunu vurğulayıb:

“Bu, reallaşa bilər. Bundan sonra, məncə, siz 100% Qarabağsız qalacaqsınız, amma bu, yenə də öz işinizdir”.

[Ahliman]

Mixail Qorbaçov Dağlıq Qarabağda münaqişənin olmasını istəmirdi.

Axar.az xəbər verir ki, bu sözləri SSRİ-nin ilk və sonuncu prezidenti Mixail Qorbaçovun köməkçisi işləmiş fəlsəfə elmləri doktoru, professor İvan Fyodroviç Feklistov “Yeni Müsavat”a eksklüziv müsahibəsində deyib. O, Qarabağ münaqişəsi ilə bağlı maraqlı məqamlara toxunub:

“Qorbaçov tərəflərin sakitləşməsində maraqlı idi. Buna görə də Dağlıq Qarabağa Volskini (o zaman Dağlıq Qarabağ Muxtar Vilayətində ermənipərəst Arkadi Volskinin başçılığı ilə qeyri-qanuni, birbaşa Moskvaya tabe olan müvəqqəti Xüsusi İdarə Komitəsi yaradılmışdı – red.) göndərdi. Volski tanınmış, çox mədəni insan idi. Volski, məncə, iki ilə yaxın orada fəaliyyət göstərdi, hər iki tərəfi sakitləşdirməyə çalışdı.

Düşünürəm ki, Qarabağ konfliktini ABŞ yaratdı. Amerikalılar SSRİ-ni dağıtmaq üçün belə bir alət tapdılar”.

F.Feklistov müsahibəsində Dağlıq Qarabağın Azərbaycan ərazisi olduğunu vurğulayıb:

“Qorbaçov bu məsələdə bir cür deyə, başqa cür düşünə, yaxud başqa variantlar üzrə hərəkət edə bilərdi. Mənə elə gəlir ki, bu gün bütün ümidlər Putinədir”.

[Ahliman]

Eastnews.org-un verdiyi xəbərə görə, Rusiya Dağlıq Qarabağ münaqişəsinin həllinə dair vasitəçilik fəaliyyətlərində fəal rol oynamağa davam edir.   Bu barədə Rusiya Xarici İşlər Nazirliyinin bəyanatında qeyd olunub.   “Dağlıq Qarabağ münaqişəsinin həllində tərəfləri dəstəkləmək Rusiya xarici siyasətinin prioritetlərindən biri olub və ölkə prezidentinin də diqqət mərkəzindədir”, - deyə bəyanatda vurğulanıb.   Rusiya XİN münaqişənin yalnız siyasi diplomatik vasitələrlə, tərəflər arasında danışıqlar yolu ilə həll olunmasının vacibliyini də irəli sürüb: “Fikrimizcə, siyasi iradə olduğu halda diplomatik səylərlə gec-tez irəliləyişə nail olmaq və razılığa gəlmək mümkün olacaq”.   Eyni zamanda Rusiya tərəfinin həm ATƏT-in Dağlıq Qarabağ məsələsinə dair Minsk qrupu həmsədrlərindən biri kimi, həm də Azərbaycan və Ermənistanla münasibətləri nəzərə alınaraq Dağlıq Qarabağ münaqişəsinin həlli istiqamətində bundan sonra da dəstək verəcəyi vurğulanır.   Qeyd edək ki, Rusiyanın xarici işlər naziri Sergey Lavrov noyabrın 10-11-də Ermənistanda səfərdə olacaq.  Mənbə: https://eastnews.org/news/41580

 

[Zaman.]

Rusiyalı jurnalist İrina Tumakova Xankəndi səfəri ilə bağlı “Novaya qazeta”da irihəcmli reportaj dərc edib.

Axar.az xəbər verir ki, olduqca mühüm məlumatların olduğu materialda ilk diqqəti cəlb edən məqamlardan biri İrina Tumakovanın Xankəndiyə gəlişi zamanı rus sülhməramlı kontingentinin zabiti ilə olan telefon söhbətidir.

Müəllif bildirir ki, Laçın yolu ilə gələrkən Rusiya sülhməramlı kontingentindən ona zəng gəlib. Andrey Valeryeviç olduğunu bildirən zabit dərhal da soruşub:

- Mənə məlumat verdilər ki, siz Xankəndiyə getmək istəyirsiniz. Niyə?

İ.Tumakova azərbaycanlı ekofəalların təşkilatçılığı ilə həyata keçirilən blokada şəraitində Qarabağdakı insanların necə yaşadığını öyrənmək istədiyini bildirib.

 

“- Blokada? – Andrey Valeryeviç qəhqəhə çəkdi. – Onlar çox gözəl yaşayır, əvvəlkindən də yaxşı. Blokada bizə, sülhməramlılara aiddir. Qiymətlər sadəcə havada uçur. Məsələn, 10 yumurta – 300 rubladır. Bu, normaldırmı? 300 rubl! Blokada təşkil edənlər ermənilərdir, bizə bu qiymətə yumurta satırlar”, - reportajda bildirilir.

İ.Tumakova etiraf edir ki, Azərbaycanlıların nəzarətində olan hissələrdə yüksək səviyyəli yollar çəkilir, ancaq Xankəndi istiqamətində yol çox dardır. Buna baxmayaraq, “ötən dəfə” gələrkən Laçın yolunun daha acınacaqlı olduğunu xatırladan müəllif yeni yolun keyfiyyətli olmasından bəhs edir – ancaq Laçın şəhərindən yan keçən bu yolu Azərbaycan tərəfinin çəkdiyinə müəllif heç bir işarə etmir.

[Zaman.]

Blokada? Axı, yol ki partladılmayıb!

Xüsusilə son vaxtlar ərzaq hər yerdə görünür. Taxıl var, un, çörək var. Bizim ac olduğumuzu demək olmaz.

Axar.az xəbər verir ki, bu sözləri Xankəndidə yaşayan erməni Hayane Arustamyan rusiyalı jurnalist İrina Tumakovaya deyib.

 

İ.Tumakovanın Xankəndiyə səfərindən hazırladığı və “Novaya qazeta”da dərc edilən reportajında Arustamyan hər yerdə ərzaq olduğunu, ancaq qiymətlərin bahalaşdığını bildirib. Onun sözlərinə görə, bahalığa səbəb hər yük maşını üçün rus sülhməramlıların bir neçə min dollar pul almasıdır.

H.Arustamyanın sözlərinə görə, humanitar yardım adı ilə gətirilən ərzaqların bir hissəsi paylanılır, əhəmiyyətli hissəsi isə mağazalara gedir, çünki sülhməramlılar gətirdikləri hər yük maşını ərzaq üçün pul alırlar.

“Talonla satılan düyü, kərə yağı, toyuq, yumurta – çox ucuzdur, ancaq bu ərzaqlar talonsuz da satışda var və təxminən iki-üçqat bahadır. Məsələn, portağal talonla təxminən 1,2 dollar, talonsuz isə 3,5 dollaradır”, - o vurğulayıb.

 

Digər ermənilərin də açıqlamalarından belə aydın olur ki, Xankəndi və ətrafda yaşayan erməni icması ümumiyyətlə gətirilən bütün ərzaqların pulsuz paylanılmasını istəyir. Ancaq humanitar yardımla bərabər, rus sülhməramlılar biznes strukturlarının sifariş etdiyi ərzaqları da eyni kolonda daşıyırlar.

[Zaman.]

Xəbər verdiyimiz kimi, Ordumuz Laçın yolunun şimalındakı torpaq yollarından qeyri-qanuni fəaliyyətlər üçün istifadənin, eləcə də Ermənistan tərəfindən silah-sursat daşımaqla vəziyyətin gərginləşməsinin və potensial təxribatların törədilməsinin qarşısının alınması məqsədilə lokal zəruri nəzarət tədbirləri həyata keçirib.

Axar.az xəbər verir ki, Ordumuzun keçirdiyi əməliyyatla bağlı sosial şəbəkələrdə və xüsusilə Türkiyə seqmentində məlumat tirajlanıb.

Bildirilir ki, Ordumuz Şuşadan enərək şimalda Kosalar, şərqdə Turşsuya qədər bütün alternativ yolları azad edərək, nəzarətə götürüb.

Ordumuz Şuşa rayonu ərazisindəki 2054 metr hündürlüyü (Sarıbaba dağından 2,9 km şimal-şərqdə) olan yüksəklikdə də nəzarəti ələ keçirib və mühəndis-istehkam işlərinə başlayıb.

 

Əməliyyatlarda itki olmayıb. Torpaq yollar Ordumuz tərəfindən tam nəzarətə götürülüb. Heç bir qan tökülməyib. Proses azsaylı qüvvə tərəfindən həyata keçirilib. Düşmən qazdığı səngərləri və açdığı yolları bir güllə də atmağa cəsarət etmədən tərk edib.

[Zaman.]

Erməni texnikası Qarabağdan çıxarılır