"analar Indeksi" Hesabatında Ermənistan Azərbaycandan Irəlidədir

[fikus elastica]

“Dünya Anaları 2014” hesabatında Azərbaycan anasının vəziyyəti 178 ölkə arasında 99-cu yerlə qiymətləndirilib. 
Londonda qərarlaşan “Uşaqları qoruyun” yardım təşkilatı anaların durumu haqda hesabatı 15-ci ildir ki, hazırlayır.
Anaların durumu doğuş vaxtı ölüm və  5 yaşadək uşaqlar arasında ölüm hallarının nisbi sayı,  qadınların təhsili, adambaşına düşən daxili məhsul və qadınların parlamentdə təmsil olunması kimi amillərlə müəyyən olunur.

Azərbaycanda 2010-cu ilin statistikasına görə, hər 1000 doğuşa 1 ana ölümü düşür

Ermənistanda da bu vəziyyət Azərbaycandan az qala 2 dəfə yaxşıdır. Ermənistanda hər 1700 doğuşa 1 qadın ölümü düşür. 

Azərbaycanda, 2012-ci ilin məlumatına görə,  doğulan  hər 1000 uşaqdan 35-i 5 yaşadək yaşamır. Ermənistanda vəziyyət yenə Azərbaycandan yaxşıdır. Burda hər doğulan 1000 uşaqdan 16-sı 5 yaşadək gedib çatmır.

Azərbaycanda qadınların təhsili ilə bağlı isə deyəsən problem yoxdur. Azərbaycanda qadınların aldıqları təhsilin orta uzunluğu 11,9 ildir.
Qadınlar siyasətdə necə təmsil olunurlar?
Analar indeksi hesabatını hazırlayanlar bunun ən yaxşı göstəricisi kimi parlamentdə qadınların təmsilçiliyini götürüblər. Azərbaycan Milli Məclisinin üzvlərinin 15,6 faizi qadınlardır.
Bu sahədə Ermənistanda vəziyyət Azərbaycandan pisdir. Ermənistanda deputaların cəmi 10 faizi qadınlardır.

 

Analar indeksində Belarus MDB ölkələri arasında ən və xeyli qabaqdadır-26-cı yer.
MDB ölkələri arasında ikinci ən irəlidə olan Rusiyadır -  62-ci yer. 
Ermənistan 95-ci yer, Gürcüstan 98-ci yerlə Azərbaycandan irəlidədir.

http://www.azadliq.org/content/article/25376355.html

 

 

P.S.Əlləri qurusun bu hesabati hazırlayanın. Bu boyda yalan olar? Zəif Ermənistan bizdən nətəhəri qabaq ola bilər axı?(((

 

[Sunyata]

“

P.S.Əlləri qurusun bu hesabati hazırlayanın. Bu boyda yalan olar? Zəif Ermənistan bizdən nətəhəri qabaq ola bilər axı?(((

 

Stəkana yarım boş da baxmaq olar , yarım dolu da ))   Bu indeksdə  orta mövqedəyik.  Əlbəttə ki, yüksək mövqelərə can atmalıyıq.  Ermənistan və Gürcüstan elə də qabaq deyillər.  95 ya 98  -  fərq böyük deyil .   Bu siyahidə  , aydındır ki, biz inkişaf etmiş  qərb  ölkələrini  yaxın 10- illiklərdə  ötüb keçə bilmərik .  Amma ,  şərqi Avropa  , Cənubi Amerika , ön Asiya  ölkələrinin səviyyəsinə  gəlib çatsaq artıq yaxşı  nəticə  hesab oluna bilər  .

 

2014 analıq indeksi tam siyahi