"ans-Də Erməni Musiqisi Vermək Tolerantlığın Sübutudur"

[Igolka]

“ANS ÇM radiosunda “Qafqaz top 20” verilişində Qafqaz ölkələrinin musiqiləri səslənir. Əgər söhbət Qafqaz ölkələrindən gedirsə, onlardan biri də Ermənistandır. Biz istəsək də, istəməsək də Ermənistan Qafqaz respublikasıdır”.

Bu sözləri “Axar.az”a dörd həftədir ANS ÇM-də yayımlanan “Qafqaz top 20” verilişinin aparıcısı Aytən Səfərova etiraza səbəb olan verilişində erməni musiqilərinin səsləndirilməsindən danışarkən bildirdi.

Xanım aparıcı qeyd edir ki, bununla radio ANS ÇM-in və azərbaycanlıların ermənilərin təqdim etdiyi kimi vəhşi yox, tolerant olduğunu nümayiş etdirir: “Biz obyektiv insanlarıq. Ermənilərin bizə qarşı etdiyi vəhşiliyi hər kəs kimi mən də bilirəm. Xocalıda törətdikləri faciəni də görmüşəm, qız-gəlinlərimizin başına gətirilən oyunlardan da xəbərim var. Ancaq buna baxmayaraq, onlar bütün dünyaya bizim vəhşi olduğumuzu göstərməyə, sübut etməyə çalışırlar. Hər yerdə də bar-bar bağırırlar ki, biz qəddarıq, qatilik, vəhşiyik. Halbuki qəddarlığı da, vəhşiliyi də biz onlardan görmüşük. Amerikada da, Fransada da ermənilərin olduqca güclü diaspor təşkilatları var. Onlar öz diaspor təşkilatlarının sayəsində bizi bütün dünyaya vəhşi kimi tanıdırlar. Lakin biz həmişə sülhsevər xalq olmuşuq. Əgər belə olmasaydı, təcavüzkar biz olardıq. Ancaq onların Xocalıda, Qarabağ müharibəsində etdiyi vəhşiliyi biz onlara qarşı edə bilmərik. Biz elə vəhşiliyi edə biləcək xalq deyilik”.

A.Səfərova qeyd edir ki, ideya müəllifi Vahid Mustafayev olan və aparıcılığını etdiyi “Qafqaz top 20” verilişində erməni müsiqilərinin səslənməsi vətənə qarşı xəyanət demək deyil: “Mən Azərbaycanda Qarabağ müharibəsini əvvəldən axıradək əlində kamera ilə keçmiş Vahid Mustafayev qədər vətənpərvər ikinci jurnalist tanımıram. Qarabağ müharibəsi ərəfəsində kimlərsə stol altında gizlənəndə, Vahid Mustafayev müharibədə idi. İdeya müəllifi Vahid Mustafayev kimi bir insanın olduğu verilişin arxasında başqa səbəblər axtarmaq düzgün deyil. Musiqi sərhəd tanımır. Əgər belədirsə, o zaman Müslüm Maqomayev kimi korifeyin də bəzi mahnılarını dinləməməliyik?! Axı, onları da Mikayıl Tarıverdiyev və Arno Babacanyan yazıb. Bu gün Ermənistanda Röyanı da dinləyirlər, Üzeyir Mehdizadəni də, Vaqif Mustafazadəni də və bunu hətta reklam edib özlərini sülhsevər kimi təqdim edirlər”.

Aparıcının sözlərinə görə, dörd həftədir yayımlanan verilişin indi etiraza səbəb olmasını təəccüblə qarşılayır: “Veriliş bir aydır ki, efirə gedir və orada mən həmişə vurğulayıram ki, Azərbaycanın torpaqlarında yaşayan erməni sakinləri də nəzərə alırıq. Maraqlıdır ki, bu məsələni niyə indi şişirdirlər? Özü də məsələn, Fransa prezidentinin səfəri ərəfəsində? Yəqin burada Azərbaycanı sevməyən və bizi vəhşi kimi təqdim etməkdən xoşhallanan müəyyən qüvvələrin rolu var”.

Qeyd edək ki, “Qafqaz top 20" musiqili verilişi ANS ÇM radiosunda hər həftənin şənbə günləri saat 19.00 və 20.00 arası efirə gedir və burada Çeçenistan, Gürcüstan, Kabardin-Balkar, İnquşetiya, Dağıstan və digər Qafqaz respublikalarının mahnıları ilə yanaşı ermənistanlı ifaçının da mahnısı səsləndirilir.

[Blok]

Qeyretimiz bellidir her millete ..

[gapgara]

Aşıq gördüyünü çağırar. Yazıqlar dayılarını unuda bilmirlər, onlar üçün də musiqi səsləndirirlər..

[Консуэло]

Chox maraqlidir... Bizim musiqimizi, medeniyyetimizi, yemeklerimizi ve s. ve s. ogurlayan xalqin musiqisini teblig edirik. Kime gosteririk ozumuzu...Nece tolerant oldugumuzu subut etmek isteyirik? Menim fikrimce ise tolerantliq bir nov satqinliq, yaltaqliq demekdir.

[Nuray Cebrailova]

Ерменилерин мусигиси де вармыш? Умумиййетле онларын нейисе вар? Дунйа йаранандан гезлерини дикиблер бизим торпагларымыза,мусигимизе,метбехимизе,медениййетимизе,едебиййатымыза.......Душмене йалтаглыг инди толерантлыг адланыр?

[Roxilan]

Ele bil ki,bunlar ermenilerin torpaglarini zebt edibler,indide tolerantliq edirlermiw.Ay bedbaxtlar,ay qoyunlar,ay yaltaqlar,ay boylari yere girmiwler,anlayin----onlar sizin torpaqinizi aliblar,onlar sizin oqullarinizi mehv edibler,sizin torpaqinizda qizlarinizi zorlayib,uwaqlarinizi oldurubler,sizin hansi gununuze yarawir tolerantliq??

Edited May 4, 2014 by Roxilan