Oxuduğumuz Kitablardan Maraqlı Hissələr , Fikirlər

[monashka12]

Böyük dərd üz gətirəndə kiçik dərdlər gözünə görünməz adamın, daha durub məsələn, kiminsə sayqısızlığını faciəyə çevirməzsən, hansısa dostun sənə üz çevirdiyini, hansısa qardaşın xəyanətini filanı dərd etməzsən özünə. Hər şeyi bağışlayarsan donuq-donuq, heç nə vecinə olmaz! Bu da böyük dərdin kiçik fayadaları olsun gərək...

 

Kamil I.
 

[ceylin]

       "Alın yazısının nə olduğunu izah eyləyə bilmərəm", - Şəms dedi. "Amma nə olmadığını başa sala bilərəm.Alın yazısı həyatımızın qabaqcadan çəkilmiş olduğu demək deyil. Buna görə də, "neyləyək, qismətimiz belədir" deyib boyun əymək cəhalət əlamətidir.Alın yazısı yolun hamısını yox, sadəcə yolayrıcılarını verir. Mənzilbaşı bəllidir,amma bütün döngələr, yol başlangıcları yolçunun ixtiyarındadır. Ona görə də nə həyatın hakimisən,nə də həyat qarşısında çarəsizsən  (...)

 

Elif Səfəq "Eşq"

 

[monashka12]

bil və agah ol ki, sənəti olmayan adamlar gövdəsi olub gölgəsi olmayan Muğilan14 ağacı kimi faydasız olarlar, nə özlərinə xeyir verərlər, nə başqalarına. Əsil-nəsəbli adamlar sənət və hünər sahibi olmasalar da, əsil-nəsəblərinə görə başqalarının yanında hörmətdən məhrum olmazlar. Pisi odur ki, nə cövhərin ola, nə hünərin! Lakin əsil-nəsəbli olanda çalış özünün müəyyən sənət və şöhrətin də olsun, çünki özünün şöhrəti olmaq əsil-nəsəb şöhrətindən daha yaxşıdır. Deyiblər ki, “Ləyaqət əql və ədəbdədir, əsil-nəsəbdə, deyildir!”. Böyüklük mə’rifət və bilikdədir, haralı və kimlərdən olmaqda deyildir. Bil ki, sən ata və ananın şan-şöhrəti ilə kifayətlənməməlisən, çünki o, xarici bəzəkdir. Əsil ad-san ona deyərlər ki, onu öz iste’dad və bacarığınla əldə etmiş olasan, bu zaman səni “Zeyd”, “Cəfər”, “əmi”, dayı” əvəzinə “müəllim”, “alim”, -“fəqih”, “həkim” çağırarlar. Əgər əsil-nəsəbi olan adamın öz bacarıq və ləyaqəti
yoxsa, o heç kəsin işinə yaramaz. Lakin bir adamda hər iki xüsusiyyət olsa, ondan bərk yapış əldən buraxma ki, o, hamının işinə yarayar. 
Onu da bil ki, bütün sənətlər içində ən gözəl sənət danışmağı bacarmaqdır.

 

Qabusnamə 

[monashka12]

“Sənə pis deyəni onu sənə xəbər gətirəndən daha tez bağışla!”.

 

“Alınıb-satılan qulu öz qarnının qulu olan adamdan daha azad hesab et!”.

 

“Nə üçün o adamı düşmən saymayasan ki, o özünün igidliyini xalqı incitməkdə görür?”.

 

“Ən aldadılmış adam ona deyərlər ki, nağdı nisyəyə dəyişə”.

 

Qabusnamə- dən 

[monashka12]

Ey oğul, cavan olsan da qocaağıl ol. Demirəm ki, cavanlıq etmə, lakin özünü ələ ala bilən cavan ol, dağınıq və ölüvay cavan olma, diribaş cavan yaxşı olar. Filosof Ərəstu demişdir: “Cavanlıq da dəliliyin bir növüdür, ona görə cavana dəliqanlı deyirlər”. Bundan əlavə süst cavan olma, diribaşlıqdan bəla törəməz, amma süstlükdən törəyər. Bacardığın qədər cavanlıqdan istifadə et, qocaldıqda özün bacarmayacaqsan. Necə ki, bir qoca kişi demişdir: “Cavanlığımda yaman fikir çəkirdim ki, heyf, qocalığımda gözəllər məni sevməyəcəklər, indi qocalmışam, mən özüm onları istəmirəm”. 

 

Qabusnamə

[monashka12]

Cavanlara qocalıq yaraşmadığı kimi, qocalara da cavanlıq yaraşmaz. Qocalıqda cavanlıq eşqinə düşən məğlubiyyət zamanı qələbə şeypuru çalana oxşar. Qoca vaxtı eşqə düşüb cavanlığa başlamaq məğlub ikən zəfər təbli çalmaq kimi bir işdir. Şıltaq qoca olma. Deyiblər ki, şıltaq qoca daha pis olar. Murdar şıltaq qocalardan özünü gözlə. Qocalığa qarşı cavanlığa

nisbətən daha lütfkar ol! Çünki cavanın hələ qocalmaq ümidi var, qocanın isə ölümdən başqa bir gözləməsi yoxdur və başqa bir şey gözləyə də bilməz.

 

Həmişə qocalara qarşı mərhəmətli ol, çünki qocalıq elə bir xəstəlikdir ki, heç kəs onu yoluxmağa gəlməz, elə bir dərddir ki, ölümdən başqa heç bir həkim onu sağalda bilməz. Ona görə qoca ölməyincə canını əziyyətdən qurtara bilməz, hər xəstəlikdə yaxşılaşmaq ümidi var, qocalıqdan başqa. O hər gün ağırlaşar və yaxşılaşmaq ümidi olmaz. Bir kitabda oxumuşam ki: “Adam otuz dörd yaşına qədər hər gün boyca və qüvvətcə artar, otuz dörddən qırx yaşa qədər olduğu kimi qalar, artıb əksilməz
(Günəş də zirvəyə çatdıqda batana qədər yavaş hərəkət edir), qırxdan əlliyə qədər hər il keçmiş ilə nisbətən özündə daha çox zəiflik hiss edər, əllidən altmışa qədər hər ay keçmiş aylara nisbətən daha çox zəifləməyə başlar, altımışdan yetmişə qədər hər həftə keçən həftəyə nisbətən daha çox gücdən düşər, yetmişdən həştada qədər hər gün özünü dünənə nisbətən daha pis hiss edər. Əgər həştaddan çox yaşasa, saatbasaat dərdi və əziyyəti artar”.
Nərdivanın pilləsi qırx olduğu kimi, ömrün də həddi qırx ildir, pilləkənın kəlləsində yuxarıya yol tapa bilmədiyin üçün qalxdığın yolla yenə də aşağı enməyə məcbur olacaqsan.
Hər saat dərd və əziyyətinin üstünə yeni ağrı və sancı artan bir adam şadlana bilərmi?
Ey oğul, görünür, qocalıqdan sənə çox şikayət etdim. Nə etməli? İnsanlar qocalıqdan çox gileylənərlər və bu heç də
təəccüblü deyildir. Çünki qocalıq düşməndir, düşməndən isə şikayət edərlər.

 

Qabusnamə

[viceroy102]

Pulemyot bəd bir köpək kimi pusquda dayanmışdı.

 

 

Polad necə bərkidi.

[Kenul2012]

- Bax,mollalar nə öyrədir öyrətsin, dünyada sadəcə bir günah var, bircə dənə .Bu da oğurluqdur. Bütün başqa günahlar oğurluğun müxtəlif formalarıdır.Sən adam öldürəndə onun həyatını oğurlayırsan.Arvadının ərli, uşaqlarının atalı yaşamaq hüququnu oğurlayırsan.Yalan deyəndə başqasının həqiqət haqqını oğurlayırsan.Kələn gələndə başqasının ədalət haqqını oğurlayırsan.

Uşaqlar rəngləmə albomları deyil.Sən onları sevimli rənglərinlə rəngləyə bilməzsən.

"Az qala qalib gəlmək" olmur.Adam ya qalib olur,ya yox


-Lənətə gəlmiş o qədər təmiz idi ki, adam onun yanında özünü -təmiz qızılın yanına qoyulmuş qəlp pul kimi hiss edirdi.

Əfqanıstanda uşaq var, uşaqlıq yoxdur.


"Çərpələng uçuran" Xalid Hüseyni.