Qəzəllərin Tərcüməsi . Ərəb / Fars Tərkibli Sözlərinin Izahı .

[Sunyata]

HRTO , ariflərin gözdən düşməsi və təcridi haqqında daha nə deyə bilərsiniz ?  Maraqlıdır onları  konkret hansı əməllərinə görə təcrid edirdilər ? 

 

Bəlkə də mövzudan uzaqlaşsaq da , daha bir sual . Ariflərin xüsusi ruhi texnikaları mövcuddur ?  Yaxud  əsas texnika elə eşqin özüdür ?

[HRTO]

HRTO , ariflərin gözdən düşməsi və təcridi haqqında daha nə deyə bilərsiniz ?  Maraqlıdır onları  konkret hansı əməllərinə görə təcrid edirdilər ? 

Ariflər böyük əksəriyyəti ilə şəriətüstü məsələlərdən danışdıqları üçün cəzalandırılmışlar.

 

Bəlkə də mövzudan uzaqlaşsaq da , daha bir sual . Ariflərin xüsusi ruhi texnikaları mövcuddur ?  Yaxud  əsas texnika elə eşqin özüdür ?

Belə bir söz var ki, Allaha gedən yolların sayı elə gedənlərin özü qədərdir. Ümumi nəzəri məsələlər mövcud olsa da praktiki məsələlərə keçəndə sanki qapılar öz-özünə şəxsin üzünə açılır. Həmin qapıdan isə nəyin görünəcəyi artıq həmin şəxsin özünə aiddir. Buna görə də ariflərin əsərlərini oxuyanda zahirən ziddiyyət meydana gəlir. Çünki onların hər biri öz görüş bucağından yazır. Bir çox ariflər elə gördüklərini dillərinə gətirdikləri üçün cəza görmüşlər. Məsələn, biri qalxıb deyir ki mükaşifə halında Allahı qızıl taxtın üstündə nur kimi gördüm. Bunu deyəndə təbii ki, ətrafdakılar şübhəyə düşür. Çünki Allah maddə deyil ki, taxtda otursun. Bu sadəcə Mütləq nurun həmin arif üçün seçilmiş görüntüsüdür. Əlbəttə ki mütləq nuru heç kim olduğu kimi görə bilməz. İnsan 3 ölçülü sistemdədir, ən çoxu 4, ya da 5-ci ölçüyə girə bilər. Ondan o yana keçə bilmədiyi üçün Mütləq nuru dərk etməsi qeyri mümkündür. Buna görə də insan bənzətməyə ehtiyac duyur. Özü bunun bənzətmə olduğunu bilir, eşidənlər isə Allahı elə həmin bənzətmə kimi başa düşür. buna görə də sxolastikada Allahın əli, ayağı və s. kimi fikirlər yaranırdı. Ya bəzi uydurma hədislərdə deyilirdi ki, guya Qiyamət günü Allah ayağını cəhənnəmə (bəlkə də Cənnətə, dəqiq yadımda deyil) salacaq və s. Buna görə bir çox ariflər batin gözü ilə  gördüklərini heç kimə deməmişlər. Cüneyd Bağdadi də Həllac qədər böyük şəxsiyyət olmuşdu. Amma o sirləri açmaq məsələsində Həllacla razılaşmamışdır.

 

Əsas texnika kimi İslamda namaz götürülür. Əslində isə namaz elə eşq deməkdir. Namaz prosesi sadə bədən hərəkətlərindən ibarət deyil. Təbii ki bədən hərəkətlərinin özünün də bu meditasiyada öz rolu var. Hətta bir çox müsəlmanların barmaqarası baxdığı dəstəmazın özünün meditasiyaya hazırlıqda mühüm rolu olur. Şəxsən öz təcrübəmdən çıxış edib deyə bilərəm ki, heç bir meditasiyada insan namaz halında olduğu qədər dərin transa düşmür. Çünki bəzi başqa metodları da sınamışam.

 

Deyəsən çox oldu. Fikirlərimi yazıb çatdıra bilmirəm. Çoxunu arada itirirəm. Danışmaq daha rahatdır. Buna görə, yazımda əlaqəsizlik yaransa, üzrlü hesab edin.

[Sunyata]

 

 

Deyəsən çox oldu. Fikirlərimi yazıb çatdıra bilmirəm. Çoxunu arada itirirəm. Danışmaq daha rahatdır. Buna görə, yazımda əlaqəsizlik yaransa, üzrlü hesab edin.

 

HRTO , cavabınıza görə  çox sağ olun !   Əla  və geniş  izahatdır.  Bu   mövzular məni  maraqlandırdığı üçün , inanın ki,  saatlarla sizin söhbətinizə qulaq asardım .   Amma, yazınız lap əladır !  Yazın, çooooox böyük maraqla oxuyuram sizi .   

 

İnanın  ki,  sizin yazılarınızı oxuduqca İslama da münasibətim   daha mülayim olur.  Yəni, sizin versiyanızdakı islam mənə digər ezoterik dünyagörüşləri xatırladır.  İslamı bu formada inkişaf etdirmək olsaydı  ,  islamofobiya da bu  qədər  geniş  vüsət almazdı.   Təəssüf ki,  sizin İslamı  ortodoksal İslam nümayəndələri qəbul etmir və etməzlər də (( 

 

Nəsiminin qəzəli  hələ sizi gözləyir ))

 

P.S.   İrfandan kənar tərcüməni də  alternativ olaraq verə bilərsiniz ? Hər halda dünyəvi ədəbiyyat müəllimisiniz ))  Hərçənd ki,  irfanı izahlarınız da superdir ! 

Edited April 4, 2014 by Sunyata

[HRTO]

 

Nitq imiş aləmdə mövcud, eşq imiş qaim məqam,

Bizə bildirdi əzəldən rəhbəri-mövlayi eşq.

 

İmadəddin Nəsimi

 

 

 

 

 

Hərfi tərcümə: aləmdə mövcud olan nitqdir. Eşq isə canişindir. Bunu bizə eşqin rəhbəri öyrədib.

 

Qaimməqam: canişin, təyin olunan yerli rəhbər, müavin

 

Nitq bir sıra kitablarda bilik və idrakla eyniləşdirilir. Həqiqətən də nitq biliyin təzahürüdür. Bilik abstrakt varlıq, nitq isə onu ifadə edən prosesdir. Böyük İslam alimi Lahici yazır ki, nitq iki mənanı ifadə edir: 1) idrak, 2) danışıq. Nəsimi deyir ki, aləm nitqdən ibarətdir. Yəni bütün kainat informasiya toplusudur. Dedik ki, nitq həm bilik, həm də biliyin ifadəsidir. Deməli, kainat da həm potensial informasiya, həm də onun real təzahürüdür. Kainatın həqiqəti sonsuz sayda mürəkkəb kodlardan ibarətdir. Həmin kodların görünməsi üçün proqram idrak qüvvəsidir. Eynilə html kodları kimi. Yəni yenə o yerə gəlib çıxır ki, həqiqətdə real aləm deyilən bir şey yoxdur, hər şey kodlaşdırılmış şəkildədir. Kvant fizikasında deyildiyi kimi, obyektlər ona görə mövcuddur ki, biz onların mövcudluğunu özümüzə təlqin etmişik.

 

Bir haşiyə çıxaq: gör o dövrdə insanlar ruhi-mənəvi yüksəlişlə necə həqiqətlər əldə edirdilər, amma "kompyuter əsri" dediyimiz dövrdə insanlara nə qədər misal çəkirsən, yenə başa düşmür.

 

Mənə elə gəlir ki, eşqin qaimməqam olması fikri "gözəllik eşqin anasıdır" fikrinə dayanır. Gözəllikdən eşq yaranır. Gözəllik isə biliklər toplusunun özüdür. Bir şeyi də qeyd edək ki, həmin biliklər toplusu (yəni kainat) həqiqi Mütləq varlığın bir hissəsidir. Çünki bilik biləndən kənarda ola bilməz. Kainat da ona görə gözəldir ki, onu yaradan gözəldir. Hansısa arifin (səhv etmirəmsə, Mövlana Cəlaləddinin) kitabında oxumuşdum ki, gözəllikdən yalnız gözəllik meydana gələr. Mənə elə gəlir ki, eşq ona görə canişin hesab olunur ki, o, kainatı bütünlüklə idarə edir. Çünki bir anlığa iki atomun arasındakı "eşq bağlantısı" (yəni qarşılıqlı cəzbetmə, yaxud maqnit qüvvəsi) qırılarsa, zəncirvari şəkildə bütün kainatın nizamı pozular. Eşq kainatı idarə etdiyinə görə canişin sayılır. Mən belə başa düşürəm ki, "Allah nitqi yaradıb, eşqi isə onun üzərində canişin təyin edib".

 

İkinci misrada deyir: bunu bizə eşq rəhbəri bildirib. Bildirmək, bəyan etmək özü də nitqdir. Baranov lüğətində "nitq" sözünün ərəbcədən tərcüməsi belə verilir (olduğu kimi copy edib atıram): говорить, излагать; произносить; артикулировать.

 

Eşq rəhbəri Allahdır. Nəsimi burada demək istəyir ki, birinci misrada nitq və eşq barədə dediyi həqiqətlər havadan gəlmir, bu sirləri ona Eşq Rəhbəri özü bildirib.

 

Bu beyt də belə... Eşq Mövlası mənə də nitq versə, o biri beytləri də izah edərəm bir-bir.

[HRTO]

İnanın  ki,  sizin yazılarınızı oxuduqca İslama da münasibətim   daha mülayim olur.  Yəni, sizin versiyanızdakı islam mənə digər ezoterik dünyagörüşləri xatırladır.  İslamı bu formada inkişaf etdirmək olsaydı  ,  islamofobiya da bu  qədər  geniş  vüsət almazdı.   Təəssüf ki,  sizin İslamı  ortodoksal İslam nümayəndələri qəbul etmir və etməzlər də (( 

 

Bir daha təkrar edirəm ki, İslam dini əslində elə budur, uzun əsrlər də elə bu cür gizli şəkildə də olsa, yaşadılmışdır. Bu məsələlərin kökü peyğəmbərə dayanır, sonra da zaman-zaman inkişaf etmişdir. Təbii ki, buraya subyektiv fikirlər də qarışdığından fikir ayrılıqları yaranmışdır. Amma bunlar sırf praktiki məsələlər olduğundan bunu ixtilaf kimi götürmək olmaz.

 

O ki qaldı islamafobiyaya, bu da murdar siyasətdir. Bir tərəfdən islam ölkələri özləri bu dini gözdən salır, digər tərəfdən özünü xristian adlandıran köhnə şər yuvası Vatikan rəhbərliyi müxtəlif üsullarla qərbdə İslama qarşı fobiya yaradır. Beləliklə, eyni zamanda iki dinə (xristianlıq və islam) zərbə vururlar. Müsəlman bunu xristiandan bilir, xristian da müsəlmandan. Bəs Səlib yürüşləri elə bu cür təşkil olunmadımı?