Məhəbbət yolçusu

[LadyN]

В 28.05.2016 в 17:36, Bamiya сказал:

Salam.Sizin şeirlərinizi oxuduqca bir daha anlayıram ki, Sevgi şairi əbədi yaşar.

Təşəkkür edirəm hər bir misraya görə.Mənim qəlbimin döyüntüsü yalnız şeirlə qidalanır...

Hər dəfə yeni bir misraya imza atanda, kövrəlirəm.Son nöqtəsində "saxlayın o qatarı "deməyim gəlir.

Cox istərdim bilim, siz nə hisslər kecirirsiz,sizə, sizin şeirləriniz doğma olub qəlbinizi kövrəldir?

sözsüz, misralarım qəlbimdən keçib. Qəm, kədər, qüssə, sevinc - bütün bu hislər qələm vasitəsiylə vəraqa keçir. Demək olar ki şeirlərim gündəliyimin yazılarıdır.

[Bamiya]

Zəhmət olmsa deyə bilərsiz "Ömür yolları" kitabını harda əldə edə bilərəm?

[Bamiya]

Mənim gündəliyimnən cox təssüf olsun ki,hec bir şeirim işıq üzü görməyib.Cətindi mənə sərhədi kecib onları insanlara bəxş etmək.Demək olar ki,yalnız şəxsən özüm ücün yazıram.

Hər zaman yadların məni anlaya bilməyəcəyinən cəkinmişəm.

[LadyN]

В 31.05.2016 в 14:47, Bamiya сказал:

Mənim gündəliyimnən cox təssüf olsun ki,hec bir şeirim işıq üzü görməyib.Cətindi mənə sərhədi kecib onları insanlara bəxş etmək.Demək olar ki,yalnız şəxsən özüm ücün yazıram.

Hər zaman yadların məni anlaya bilməyəcəyinən cəkinmişəm.

əfsuslar, kitab   paylanılıb, satışda yoxdur.

yazdığlarıvızı oxumaq isterdim

[LadyN]

Axtar məni

 

Axtar məni darıxanda    
Həyalında axtar məni          
Təklik səni tam  sıxanda,
Vüsalnda axtar məni.

 

Axtar məni ürəyində
Həsrətində axtar məni,
Arzularda, diləyində
Xiffətində axtar məni

 

Məni axtar yer üzündə,
Gül ətrində axtar məni.
Bu şeirin hər sözündə
Hər sətrində axtar məni
 

[LadyN]

 

Doğum günün mübarək

 

Arzum budur istəyinə çatasan,

Xoşbəxt olub, qəm-qüssəni atasan,

Sevincinə yeni sevinc qatasan.

Əziz insan, doğum günün mübarək.

 

Ömür yolun gül-çiçəklə bəzənsin,

 Sevənlərin daim sənə güvənsin,

Yaxınların sənə baxıb sevinsin.

Əziz insan, doğum günün mübarək.

 

Yaradandan can sağlığı dilərəm,

Sən güləndə mən də deyib-gülərəm.

Sən ağrısan mən üzülüb ölərəm.

Əziz insan, doğum günün mübarək.

[LadyN]

Səndən öyrəndim
 İllərlə intizar içində qaldım, 
Səni xatırladım, xəyala daldım, 
Mən həyat gücünü eşqindən aldım, 
Sevib-sevilməyi səndən öyrəndim. 

Nə yaxşı sən mənim ömrümə gəldin, 
Canımı isitdin, üzümə güldün, 
Qəlbimdən kədəri tərtəmiz sildin, 
Sevib-sevilməyi səndən öyrəndim. 

Artıq unutmuşam nə imiş həsrət, 
Könlümü bürüyüb sevinc, səadət. 
Ölüncə yaşadar məni məhəbbət, 
Sevib-sevilməyi səndən öyrəndim.
 

[LadyN]

Yuxu

Allahım, bu gecə yuxu ver mənə,

Elə bir yuxu ki, sakitçə yatım.

 Xoşbəxtlik hissinə qərq olum yenə,

Bu gecə həsrəti kənra atım.

 

 

Qoy həmin yuxuda açılsın çiçək,

 Sərt qışın yerinə isti yay gəlsin.

Bir şirin yuxuda dincəlsin ürək ,

 Qəlbim sakitləşsin, üzüm də gülsün.

 

 

Gün çıxsın nəhayət, gəlsin yaz-bahar,

 Bülbülün səsiylə hər tərəf dolsun.

 Görüşə mənimlə gəlsin gözəl yar,

 Qoy yuxum bitincə yanımda olsun.

Edited December 7, 2016 by LadyN

[LadyN]

sevirəm səni.

Mənim dövlətimsən, mənim varımsan,
Gözümün işığı, şən baharımsan.
 Sən mənim əzizim, gözəl yarımsan,
 Nə yaxşı sən varsan, sevirəm səni. 

Dilimdə ah-nalə, qəlbimdə həsrət,
Gözümdə gündüz də olmuşdu zülmət. 
Sən mənə bəxş etdin sevinc, səadət, 
Nə yaxşı sən varsan, sevirəm səni. 

Sənsiz bir qəfəsdi bu dünya mənə, 
Hər bir kəs möhtacdır onu sevənə, 
Allaha min şükür rast gəldim sənə, 
Nə yaxşı sən varsan, sevirəm səni.

[LadyN]

Allahdan ümidi kəsməyək gərək. 

Sabah Günəş çıxar əridər qarı,
 İsinər soyuqdan üşüyən ürək. 
Dost dostu salamlar, tapar yar yarı,
 Allahdan ümidi kəsməyək gərək. 

Sərt qışın yerinə gələr şən bahar, 
Ağaclar yenidən açar gül-çiçək. 
Tezliklə əriyər qalaq-qalaq qar, 
Azaldar sürətin şaxtalı külək.

 Açılar üzlərə nurlu bir səhər, 
Dolar ürəklərə xoş arzu-dilək. 
Dağılar bir qara bulud tək kədər,
Ömrün göylərini səadət bəzər.
 

[LadyN]

Məni səsləsən
Sən məni səsləsən, həmən gələrəm, 
Uzaqda olsam da, inan, fərqi yox. 
Nə dərdin, qəmin var sənlə bölərəm, 
Xoşbəxt olmağını istəyirəm çox. 

Dağları aşaram, düşərəm düzə, 
Tələsib gələrəm göz yaşın silim. 
Bilirəm möhtacsan bir şirin sözə, 
Doludur xoş sözlə ürəyim, dilim. 

Mən sənin əlindən tuta bilərəm, 
Bir anda yox olar üzündən kədər. 
Ağlasan ağlaram, gülsən gülərəm, 
Yanında qalaram ölənə qədər.
 

[LadyN]

Mələk olaydım
Mən bir mələk kimi qoruyub səni, 
Dərdini, qəmini uzaq edəydim. 
Mələklər tək qoymaz Allah sevəni, 
Sən gedən yerlərə mən də gedəydim. 

Olduğun yerlərdə əkəydim çiçək, 
Sağ tərəf bənövşə, solda yasəmən. 
Gözün gülsün deyə şad olsun ürək, 
Dövrəni cənnətə döndərəydim mən. 

Başının üstündə durub hər gecə, 
Səhər açılınca oyaq qalaydım. 
Nəzarət edəydim sənə gizlicə, 
Mən səni qoruyan mələk olaydım.
 

[LadyN]

sözlərimə yazılan yeni mağnı sizlərə təqdim edirəm

 

[LadyN]

Intizar 
Gözlərim dikilib uzun bir yola,
Yaman darıxmışam mən səndən ötrü. 
Sinəmdən ürəyim çıxa az qala, 
Sən də həsrətmisən de məndən ötrü?!

Gözlərim yollarda axtarır səni, 
Payızdır, ağaclar yarpağın tökür.
Buludlu havalar çox üzür məni, 
Şiddətli küləklər hər yeri sökür. 

Səpir yarpaqları başıma payız,
Rəngbərəng yarpaqlar uçur sağ-sola.
Tez qayıt, həyatım, qalmayım yalqız,
Yoruldu gözlərim baxmaqdan yola.

[LadyN]

Görüşə ümid
Bir gün gələcəyəm yanına inan, 
Ömürlük bitəcək ayrılıq, həsrət.
Mən də darıxıram, sən də çox güman, 
Görüşüb doyunca edərik söhbət.

 

 

Gerçəyə çevrilər bir gün bu xəyal, 
İnşallah Tanrımız eşidər bizi. 
Xoş arzu-diləklə qayıdar vüsal, 
Qalmaz ayrılığın ürəkdə izi.

 

 

Gülər üz-gözümüz, sevinər ürək, 
Gözümüz yollarda ilişib qalmaz. 
Sevgi bağımızda açılan çiçək, 
Bir daha saralıb, bir daha solmaz.

[LadyN]

Duyanın da var

Bu dünya gəlirsə əgər sənə dar,
Nə dostun dost isə, nə də yarın yar. 
Qaldır əllərini Allaha yalvar, 
Bil ki, duan varsa, duyanın da var.

Ümidi heç zaman olmaz itirmək, 
Yenidən yaz gələr, açılar çiçək. 
Qalanda dərd ilə, qəmlə təkbətək, 
Bil ki, duan varsa, duyanın da var.

Yaradan bircə an tək qoymaz bizi, 
Eşidər ağızdan çıxan hər sözü. 
Onun qarşısında bükərik dizi, 
Bil ki, duan varsa, duyanın da var.

 

[LadyN]

Yaşadan məni
Bu gecə şübhələr bürüdü məni,
“Niyə”lər, “bəlkə”lər qəlbimi sıxdı.
Düşündüm yenə də ötüb-keçəni,
Bilmədim nə zaman göz yaşım axdı.

Bu gecə yatmadım, yuxusuz qaldım,
Üz-üzə oturdum suallarımla.
Ürəkdə həyəcan təbili çaldım,
Acılı-şirinli xəyallarımla.

 

İnana bilmirəm özümə özüm,
Gözümü yumanda görürəm səni.
Sən mənim dilimdə ən şirin sözüm,
Sənin varlığındır yaşadan məni.

 

[LadyN]

Xəyal

Gəl xəyala dalaq bir az, 
Kimsə yoxdur, sənsən və mən. 
Təmiz hava, fəsil də yaz. 
Dörd bir tərəf yaşıl çəmən.

 

Nə gözəldir bax bu məkan, 
Başdan-başa, sanki, cənnət. 
Fərəhlidir burda hər an, 
Unudulur kədər, həsrət.

 

Külək qovub buludları, 
Parıldayır qızıl Günəş. 
Yox sevincin hüdudları, 
Qəlbə sevgi salıb atəş.

 

Uzaq olsun bizdən kədər, 
Döndərməsin üzün fələk. 
Qoy ömrümüz var nə qədər, 
Xəyal deyil, ola gercək.

[LadyN]

Yaz gəldi

Bilmirəm nağıldır, yoxsa ki, gerçək,
Bir yuxu görürəm bəlkə hələ mən.
Yaz gəldi, əzizim, açıldı çiçək,
Yayır xoş ətrini bağda yasəmən.

Kədəri unutdum, sakitdir ürək,
Qəlbimdən bir yolluq yox oldu həsrət.
Uzaqa apardı dərdimi külək,
Verdi öz yerini sevincə möhnət.

Gözümdə hər tərəf bağça-bağ, çəmən,
Heç neyçün ürəyim deyil narahat.
Qanadım olsaydı uçardım həmən,
Səninlə hər zaman gözəldir həyat.

[LadyN]

Sən alın yazımsan
Tez açan çiçəklər tezcə də solur, 
Ömrü gözəlliyin çox qısa olur...
Demə sevgilimsən, həsrətimsən de, 
Sən alın yazımsan, qismətimsən de.

Nə qədər yansa da tonqal da sönür,
Atəşə nə düşsə tez külə dönür...
Demə alovumsan, xiffətimsən de, 
Sən alın yazımsan, qismətimsən de.

Zaman əlimizdən biryolluq gedir, 
Cavanlıq sürətlə bizi tərk edir... 
Əbədi dünyamsan, cənnətimsən de, 
Sən alın yazımsan, qismətimsən de.

[LadyN]

Canlanım
Hardasan, gəl artıq, ey canım, gözüm,
Ayrılıq oduna mən necə dözüm!?
Adına bağlıdır söhbətim, sözüm,
Qarşımda canlan ki, mən də canlanım.

Başımız üstündə Günəş dayansın,
Dünyamız al-əlvan rəngə boyansın.
Eşqin atəşinə canımız yansın,
Qarşımda canlan ki, mən də canlanım.

Bir də ayırmasın bizi Yaradan,
Baxtımız yar olsun bizə hər zaman.
Sən mənə bir can ol, mən sənə bir can,
Qarşımda canlan ki, mən də canlanım.

Dözmək gərəkdir

Əzizim, xoşbəxtlik bizim olacaq,
Sevgidən, sevincdən gözlər dolacaq,
Ayrılıq gedəcək, vüsal qalacaq,
Sadəcə bir az da dözmək gərəkdir.

Sərt qışın yerinə bahar gələcək,
Dərd-qəmi biryolluq üzdən siləcək. 
Bizim də bəxtimiz bir gün güləcək,
Sadəcə bir az da  dözmək gərəkdir.

Bir az gec, bir az tez həsrət bitəcək,
Arzumuz yerinə axır yetəcək.
Səadət başımız üstə ötəcək,
Sadəcə bir az da  dözmək gərəkdir.
 

Sevirəm səni
Sən məndən qəlbimi, canımı istə,
O saat mən sənə deyim baş üstə. 
Mən sənsiz qalanda oluram xəstə, 
Ey mənim həyatım, sevirəm səni! 

Dərd-qəmi ürəkdən silmək istərəm, 
Səninlə sevinib-gülmək istərəm. 
Ömrün mənasını bilmək istərəm, 
Ey mənim həyatım, sevirəm səni! 

Sən mənə dünyada hər kəsdən əziz, 
Əzizim, sevgimiz qoy olsun təmiz. 
Gəl onu qoruyaq sona qədər biz. 
Ey mənim həyatım, sevirəm səni!