Yanacaq, su və çörək bahalaşacaqmı?

Kenul2012 · December 3, 2016

Ekspertlər qiymət artımlarının davamlı olacağını bildirirlər

Tarif Şurası noyabrın 28-də verdliyi məlum qərardan sonra sosial şəbəkələrdə davam edən müzakirələrdə əsas səsləndirilən fikirlərdən biri benzinin qiymətinin qalxması ilə bağlıdır. Benzinin və digər yanacaq məhsullarının bahalaşması gözlənilirmi?

İqtisadçı ekspert Rəşad Həsənov Bizimyol.info-ya açıqlamasında bildirdi ki, Dövlət Neft şirkəti nefti həm istehsal, həm də emal edir: “Bu prosesdə şirkət gəlir əldə edərək neftdən istehsal olunan benzinə dəyər formalaşdırır. Tutaq ki, benzinin bir litri Dövlət Neft Şirkəti üçün 35 qəpiyə başa gəldi. Ancaq qiymətin formalaşmasında təsir edən digər faktorlar şübhəsiz ki, vergi yəni büdcə yüküdür. 2017-ci ilin büdcə layihəsinin təhlilində belə bir simptomları görmək olmur. Ancaq eyni zamanda hazırki vəziyyəti nəzərə alaraq əvvəlcədən uzunmüddətli dövr üçün proqnozlaşdırma da aparmaq çox çətindir”.

R.Həsənov bu baxımdan düşünür ki, faktiki olaraq maya dəyəri, iqtisadi faktorlar baxımından yanacağın qiymətinin artırılması üçün heç bir əsas yoxdur: “Çünki hazırda neftin qiyməti azalıb. Təbii ki, bu da özümüzdə istehsal olunan məhsuldur. Ancaq eyni zamanda beynəlxalq praktika da onu göstərir ki, bir çox hallarda Azərbaycan kimi resurs ölkələri gəlirlərin müəyyən bir qismini kompensasiya etmək üçün yerli satışı, yəni daxili qiymətləri artırmaq yolu ilə müəyyən çıxış yolları axtarır. Ola bilsin ki, məhz bu səbəbdən sonrakı dövrlərdə benzinin, dizelin və digər yanacaq məhsullarının qiymətində bahalaşma baş versin. Yüz faizlik bir proqnozlaşdırma aparmaq çox çətindir”.

“Tarif Şurasının qaz və elektrik enerjisinin bahalanması barədə qərarının psixoloji, iqtisadi nəticələri olacaq”.

Son qiymət artımını şərh edən iqtisadçı Qubad İbadoğlu belə deyib. İqtisadçı bildirib ki, qərarın iqtisadi nəticələri uzunmüddətli və davamlı olacaq. “Maya dəyərində elektrik, qaz istehlakı xərcləri olan bütün məhsul və xidmətlərdə bahalaşma müşahidə olunacaq. Daha çox təsirə məruz qalan çörəkbişirmə sənayesi, elektrik enerjisi və qazla işləyən nəqliyyat vasitələri olacaq”.

O, hesab edir ki, ölkədə qiymətlərin artımının yeni dalğası başlayacaq. «Çox güman ki, tezliklə su, benzin və digər qiymətləri tənzimlənən yanacaq məhsullarının bahalaşmasına dair növbəti qərarlar veriləcək», - deyə Q.İbadoğlu qeyd edib.

Bizimyol.info

gapgara · December 3, 2016

Necə məsləhətdir elə də olacaq. Bizdən soruşan var bəyəm? Tarif şurası sağ olsun, heç bir qurumun sözünü yerə salmır..

Blackkk · December 3, 2016

Qaz və elektrik enerjisi bahalaşdısa çörək də bahalaşacaq. Çörək də bahalaşadısa, hər şey bahalaşacaq (yoxsa ucuzluq idi ☺️)

Turbion · December 4, 2016

9 часов назад, gapgara сказал:

Necə məsləhətdir elə də olacaq. Bizdən soruşan var bəyəm? Tarif şurası sağ olsun, heç bir qurumun sözünü yerə salmır..

Tarif şurası kimdirki qiymətdə qaldırsın ))))

gapgara · December 4, 2016

13 часа назад, Turbion сказал:

Tarif şurası kimdirki qiymətdə qaldırsın ))))

Qiymətlər öz-özünə qalxır? Bəs kimdir möhürü vuran?

Zaman. · December 16, 2017

“Günü gündən aşağı düşür” - Ətin qiyməti ucuzlaşdı

Qarabağ bölgəsində mal əti uzuclaşıb, quzu əti isə əksinə olaraq bahalaşıb.

Milli.Az ARB TV-yə istinadən xəbər verir ki, təsərrüfatçılar ucuzlaşmağın səbəblərini bazarda mal-qaranın bolluğu ilə əlaqələndirirlər.

Təxminən 1 həftə öncə kiloqramə 11 manata satılan mal əti indi Bərdədə 9 manat 50 qəpiyə, Yevlaxda isə 10 manata təklif edilir.

Tanrıverdi Bayramov - ət satan: "Günü gündən aşağı düşür. Qiymətlər münasibdir. Ət də boldur. Yavaş-yavaş aşağı düşəcək".

Alıcılar deyirlər ki, mal ətinin ucuzlaşmasına səbəb heyvan satışı bazarındakı bolluqdur.

Quzu əti isə mal ətindən fərqli olaraq bahalaşıb. Əvvəl 11 manata satıldığı halda hazırda quzu ətinin 1 kiloqramı alıcılara 12 manata təklif edilir.

Həsən Quliyev - alıcı: "Quzunun qiyməti bahadır. 11 manata alıb, 12 manata satırıq".

Kənd Təsərrüfatı Nazirliyindən bildirilir ki, hazırda ölkədə iri və xırdabuynuzlu heyvan ətinə olan tələbatın 93,5 faizi daxili güc hesabına ödənilir. Qalan faiz isə Ukrayna, Gürcüstan və Rusiyadan idxal olunur. Nazirlik rəsmisi Bakı və ətraf qəsəbələrlə yanaşı, bölgələrdə də mal ətinin qiymətində ucuzlaşmanın olduğunu təsdiq edir.

Nazirlikdən verilən məlumata görə, hazırda ölkədə 2,7 milyon mal-qara, 8,6 milyon isə qoyun və keçi var.