Azərbaycanda təbii qaz və işığın qiyməti artırıldı

[Kenul2012]

Azərbaycan Tarif (qiymət) Şurasının 2016-cı il 28 noyabr tarixində keçirilmiş növbəti iclasında təbii qaz, elektrik enerjisi, soba mazutu, reaktiv mühərrik yanacağının satışı tariflərinə baxılıb və müvafiq tarif tənzimlənməsi aparılıb.

Belə ki, təbii qazın pərakəndə satış tarifi əhali üzrə illik istehlak həcmi 1500 kubmetrədək olan istehlakçılar üçün dəyişdirilməyərək bir kubmetr üçün mövcud 10 qəpik səviyyəsində saxlanılıb, illik istehlak həcminin 1500 kubmetrdən çox olan hissəsi üçün isə 20 qəpik müəyyənləşdirilib.

Elektrik enerjisi istehsalında təbii qazın əhəmiyyətli rolu olduğu üçün elektrik enerjisinin qiymətinin kəskin artımının qarşısını almaq məqsədilə Şuranın qərarı ilə təbii qazın tarifi elektrik enerjisi istehsalı müəssisələri üzrə min kubmetr üçün 120 manat, qeyri-əhali istehlakçı qrupu üzrə isə 200 manat səviyyəsində təsdiq edilib.

http://www.oxu.az/ 

[gapgara]

Təbii qazın pərakəndə satış tarifi əhali üzrə illik istehlak həcmi 1500 kubmetrədək olan istehlakçılar üçün dəyişdirilməyərək bir kubmetr üçün mövcud 10 qəpik səviyyəsində saxlanılıb, illik istehlak həcminin 1500 kubmetrdən çox olan hissəsi üçün isə 20 qəpik müəyyənləşdirilib.

Əhali üzrə aylıq elektrik enerjisi istehlakı 250 kilovat-saatadək olan istehlakçılar üçün dəyişdirilməyərək mövcud 7 qəpik səviyyəsində saxlanılıb, aylıq istehlak həcminin 250 kilovat-saatdan çox olan hissəsi üçün isə 11 qəpik müəyyənləşdirilib.

 

Kəmərləri sıxaq, limiti keçməsək ödəniş əvvəlki kimi qalır. Mümkündürsə qənaət etməyi öyrənməliyik..
 

[NOIR]

Tarif şurası hər dəfə yeni il öncəsi "şər qüvvələr" timsalında çıxış edir )) onun bir günahı yoxdur, həmişəki kimi...

 

həmin qərarın giriş hissəsi :

 

Dövlət Neft Şirkətinin Tarif (qiymət) Şurasına müraciətində bildirilir ki, son illərdə şirkət tərəfindən paylayıcı şəbəkələrin genişləndirilməsi, təbii qaz təchizatının davamlılığının təmin olunması üçün böyük həcmdə investisiya qoyulmuş və xidmətin keyfiyyəti artırılmışdır. Müraciətdə həmçinin qeyd edilir ki, ölkəmizdə satılan təbii qazın müəyyən hissəsinin hasilatın pay bölgüsü sazişlərinə uyğun olaraq əməliyyat şirkətlərindən ABŞ dolları ilə alınması və təbii qazın maya dəyərinin ölkədaxili tənzimlənən qiymətlərindən yüksək olması zərərin yaranmasına səbəb olur.

 

 

Dövlət Neft Şirkətinin məlumatına əsasən, əhali abonentlərinin 62%-nin illik istehlak həcmi 1500 kubmetrdən aşağıdır və diferensial tariflərin tətbiqi nəticəsində həmin abonentlərin, o cümlədən bu kateqoriyaya aid olan aztəminatlı ailələrin təbii qaz üzrə ödənişlərində artım olmayacaqdır.

 

(maraqlıdır, necə müəyyən ediblər həmin kateqoriyanı ? )

daha sonra,

 

İstehlak həcminə görə diferensiallaşdırma və optimallaşdırma prinsiplərinin tətbiqi istehlak səbəti üzrə bir ailənin təbii qaz və elektrik enerjisi üzrə xərclərinin sabit qalması ilə yanaşı, israfçılıq hallarının aradan qaldırılmasına stimul verəcəkdir.

 

(əslində, müqəssəs niyyətləri varmış, siz düz anlamamısız)

 

[NOIR]

9 часов назад, gapgara сказал:

Mümkündürsə qənaət etməyi öyrənməliyik..

bu mümkün ola bilərdi, amma buna stimul yoxdur axı... çünki, sonuncu qərar buna şərait yaratmır. əgər , yuxarıdakı 62% -ə istinad etsək, bu ən mümkün minimal hədd imiş. qalan 38%-in isə müəyyən maksimal həddi olmalıdır. istinad olunan prinsiplər, həqiqətən də "optimal və diferensiallaşdırılmış" olsaydı, tənzimləmə birtərəfli olmamalıydı. ümumiyyətlə, əhali kateqoriyasını qazın maya dəyərindən yaranmış kəsirlə (zərərlə) əlaqləndirilməsi... bu, ixtiradır ! tənzimləmə birtərəfli olmur. 62% üçün tarifi azaldıb, 38% üçün artırma tətbiq olunsaydı əgər, tənzimləmə adlanıdrmaq olardı. bunun adını, "acgözlüyə dirənən inad" qoymaq olar, ".... giclik" geyilsə

 

Edited November 29, 2016 by NOIR

[NOIR]

əyalətlərdə camaat kasıb yaşayır... bu 10 qəpiklər Dövlət Neft Şirkəti üçün əhəmiyyətli rəqəmdirsə əgər, indi gör həmin 62% üçün neçə nəhəng pullardır.

təəssüf edirəm, növbəti dəfə cılız məntiqi və ucuz haqq-hesabları müşahidə edib təəssüf edirəm. əhalini qış mövsümü öncəsi incitmək, narazı etmək kimlərə sərf edir görən...

[gapgara]

Seçkilərə hələ çox var, referendum oyunu da qaldı geridə. Qılınclarını sağa da çəkəcəklər sola da, yaşaya bilməyən canı çıxıb öləcək.. .

Edited November 30, 2016 by gapgara

[Kenul2012]

Ekspertin rəyinə görə bu artım əhalinin 70 % təsir etməyəcək. Bu 70% ildə 150 manatdan az qaz istifadə edir.İllik 150 manatlıq qaz ayda 12.50  edir.Buna ancaq az büdcəli-kasıb  istifadə edə bilər.

Demək ölkənin 70% kasıbdır .

 

Başqa vaxt ölkədə kasıbların sayının sıfır olduğunu deyirlər.Bu məntiqlə yanaşanda özləri-özlərini inkar edirlər.

[Kenul2012]

Bu da ekspert rəyi 

 

Fikrət Yusifov: "Qiymət artımı qazdan və elektrik enerjisindən istifadə edən əhalinin 70 faizə qədərinə aid olmayacaq" 

 

İqtisadi böhranın mövcud olduğu bir dönəmdə enerjidaşıyıcıların qiymətlərində artımların baş verəcəyi gözlənilən idi. Əslində belə qiymət artımları böhranın mahiyyətindən irəli gəlir və qaçılmaz olurlar. Kimsə böhran dövrünü bir başqa cürə yaşamağı düşünürsə, o, yanılır. Bu səbəbdən də böhranın yaratdığı çətinliklərdən  faciə düzəltmək lazım deyil. Bu müvəqqəti çətinlikləri tək Azərbaycan iqtisadiyyatı və Azərbaycan əhalisi yaşamır. Bu gün dünyanın bütün ölkələri və xüsusilə də iqtisadiyyatı neftlə bağlı olan ölkələr eyni durumdadırlar. Tariflərin səviyyəsinə gəlkdikdə isə bizdə olan tariflər bir çox ölkələrdəki tariflərdən çox aşağıdır. 

 

Bazar iqtisadiyyatı şəraitində heç bir təşkilat ziyanla fəaliyyət göstərə bilməz. Elə bu səbəbdən də Tarif Şurasi Dövlət Neft Şirkətinin təkliflərini qəbul edərək, qazın və müvafiq olaraq elektrik enerjisinin tariflərini yeni bir yanaşımla artırdı. Yeni yanaşımın mahiyyəti ondan ibarətdir ki, Tarif Şurası enerjidaşıyıcıların qiymətlərinin budəfəki artımı zamanı, əhalinin aztəminatlı təbəqələrinin maraqlarını maksimum qorumağa çalışdı və bu məqsədlə tariflərin artımına diferensial bir yanaşım ortaya qoydu.  Bu isə Azərbaycan Hökumətinin apardığı sosial siyasətin mahiyyətinə tam uyğun bir addımdır. Belə ki, qaz istehlakçısı olan əhali il ərzində istifadə etdiyi 1500 kubmetr qaza görə ödənişi indiyə qədər mövcud olan tariflərlə - yəni 1 kubmetr üçün 10 qəpik hesabı ilə həyata keçirəcəkdir. İl ərzində 1500 kubmetrdən artıq istifadə olunan qaza görə ödəniləcək haqq isə iki dəfə artıq, yəni 1 kubmetr üçün 20 qəpik olacaqdır. Eyni qayda ilə ay ərzində 250 kilovat ellektrik enerjisi istifadə edən vətəndaş, hər kilovat üçün köhnə tariflərlə - yəni 1 kilovat üçün 7 qəpik ödəyəcəkdir. O, ay ərzində bu limiti aşarsa, onda hər kilovat üçün 11 qəpik ödəməli olacaq. Qaz və elektrik enerjisi sərfiyyatı üzrə yeni müəyyən olunmuş hədlərin  texniki cəhətdən necə gözləniləcəyinə gəldikdə isə burada məsələ çox sadədir. Dövlət Neft Şirkətinin “AZəriqaz” QSC-də və “Azərişıq” ASC-də əhali tərəfindən qaz və elektrik enerjisi üçün edilən hər ödənişin mərkəzləşdirilmiş informasiya bazası mövcuddur. Müəyyən olunmuş müddətdə imitrən artıq istifadə olunacaq qaz və elektrik enerjisinə görə haqq avtomatik olaraq yeni tariflərlə tutulacaqdır.  

 

Dövlət Neft Şirkətinin rəsmi məlumatlarına görə hal hazırda ölkə əhalisinin 62 faizinin qaz istehlakı illik 1500 kubmetr həddini keçmir. Eyni qayda ilə “Azərişıq” ASC-ndən əldə etdiyimiz məlumata görə əhalinin 75 faizinin aylıq elektrik enerji sərfiyyatı 250 kilovat saatdan çox deyil. Deməli orta hesabla qaz və işığın qiymətindəki dəyişikliklər əhalinin təxminən 70 faizinə aid olmayacaqdır. Tariflərdə edilən dəyişikliklərdən sonra, insanların qənaət rejiminə keçməsi nəticəsində, bir il ərzində bu rəqəmin daha 10 faiz artaraq, 80 faizə çatacağı gözləniləndir.  Əhalinin yerdə qalan 20 faiz imkanlı təbəqəsi tərəfindən  qaz və elektrik enerjisinin limitdən artıq sərfinə görə artan tariflərlə ödəniş etməsi isə tam normal bir haldır.  

 

Bəs enerjidaşıyıcıların tarif artımının hansı pozitiv tərəfləri var? İlk öncə onu deyək ki, insanlar real olaraq qənaət etməyə öyrənəcəklər. Razılaşaq ki, biz çox az hallarda qənaət haqqında düşünə bilirik. Qənaət haqqında düşünə bilmədiyimizi sübut edən kifayət qədər “yaxşı” nümunələrimiz var. Məsələn, toy məclislərimizə dəvət etdiyimiz insanlara onların bir axşam yeyə biləcəyindən 10-20 dəfə çox yemək təklif etməyimiz, dünyasını dəyişən yaxınımıza yas mərasimi vermək üçün imkanımız olmasa belə bankdan kredit götürüb yüzlərlə insana “ehsan” verməyimiz bu sıradan olan israfçılığımızın bariz nümunələridir. Görəsən özümüzdən başqa kim bizi bu israfçılığa məcbur edə bilər? Heç kim! Bu siyahıları kifayət qədər genişləndirmək  mümkündür. Doğrudan da biz nə vaxtsa qənaət etməyə öyrənməyə başlamalıyıq. Digər tərəfdən, yeni tariflər insanlarımızı alternativ enerji mənbəələrindən istifadə etməyə stimullaşdıracaq. Bu gün artıq dünyanın bir çox ölkələrində bu sahədə böyük nailiyyətlər əldə olunub. Ölkəmizdə isə günəş və külək enerjisindən istifadə etmək imkanları kifayət qədər böyükdür.

 

Fikrət Yusifov

İqtisad elmləri doktoru,

professor

[NOIR]

Qətiyyət, doğru deyil. yanlış məntiqdir.

Qənaəti stimullşadırmaq üçün, endirim təklif olunmalı idi. məsələn, illik sərfiyyatı 1500kubmetr həcmdən 1000-ə azalda bilən abonentlərə güzəştlər tətbiq etmək olardı. Bu zaman xəyal etdikləri nəticəyə gəlib çıxa bilərdilər.

İstilik təhcizatı sistemini elə qursunlar ki, təbii qazdan asılılığa ehtiyac qalmasın. Qazanxanaları işə salmaq üçün su, mazut çatışmır yoxsa ?

İsrafçılıq nümunələrini də Professor öz arşını ilə ölçüb, görünür. Toy məclisində israfçılıq edən toy yiyəsi olmur, restoran sahibi buna vadar edir. Restoran biznesi tələb qoyur :məsələn, 15 adda olan baza menyunun standart qiyməti var. Maya dəyəri 5 manata olan menyu 20 manata satılır. Yaxşısı budur, Professor Tarif Şurasına məsləhət bilsin ki, toyxanaların tariflərini nizama salsınlar !

Yaslarını hansı vəsaitlə yola verməyin isə Professora konkret aidiyyatı yoxdur. Yas sahibi borc üçün onun qapısını döyməyib hər halda. Yüz insana ehsan verir,  yenə öz işidir - öz əməli , öz savabı....

 

 

Edited November 30, 2016 by NOIR

[Aylin&world]

Təki təkcə ehali ucun olan sərfiyyatin qiyməti qalxardı.Qenaət edərdik.Amma qeyri əhali ücün qalxmasında ehali qənaət edə bilməyəcək.Cunki istehsalat sektoruna təsir edəcək və ümumiyyetlə butun qiymətlərə