Gəncə-Bakı Yolunda Aksiya...

[Museyib Elekber]

AzadlıqRadiosuna göndərilən videoda görünür ki, bir qrup şəxs avtomobil yolunu bağlayıb. Hadisənin Gəncə-Bakı magistral avtomobil yolunda baş verdiyi deyilir. Etirazçıların kim olduqları və nəyə etiraz etdikləri dəqiq məlum deyil. Amma bildirilir ki, yolu kəsənlər alüminium zavodunun yaxınlığında yaşayan məcburi köçkünlərdir. Onlar güclü külək zamanı zavoddan qalxan tozun ətrafa yayılmasına etiraz edirlər.

 

 

http://www.azadliq.org/media/video/25470790.html

[Museyib Elekber]

https://www.youtube.com/watch?v=-5v55mk-6xk

[HPTRUEVISION]

Camaat yavash-yavash etiraz etmeyi oyrenir. Bunu yaxshi xeber hesab etmek olar.

[fikus elastica]

AzadlıqRadiosuna göndərilən videoda görünür ki, bir qrup şəxs avtomobil yolunu bağlayıb. Hadisənin Gəncə-Bakı magistral avtomobil yolunda baş verdiyi deyilir. Etirazçıların kim olduqları və nəyə etiraz etdikləri dəqiq məlum deyil. Amma bildirilir ki, yolu kəsənlər alüminium zavodunun yaxınlığında yaşayan məcburi köçkünlərdir. Onlar güclü külək zamanı zavoddan qalxan tozun ətrafa yayılmasına etiraz edirlər.

 

 

http://www.azadliq.org/media/video/25470790.html

qaçqınların etiraz aksiyası mənə heç vaxt səmimi gəlməyib. Öz torpaqlarını atıb burda etiraz etmək onlara çox asan gəlir

[gapgara]

Gül kimi şəraiti olan evlər veriblər bunlara. Şadlıqlarına şitlik edirlər, tanrılarına təpik atırlar.. Onlara hər şey olar, ancaq adi insanlar hansısa haqq səslərini çıxartmaq istəsələr ən azından 15 sutkalığa düşəcəklər.

[HPTRUEVISION]

Gəncədə köçkünlərə salınan yeni qəsəbədə addımbaşı polis postları qurulub. Buna səbəb bir neçə gün öncə sakinlərin Gəncə-Bakı yolunu kəsməsi və etiraz aksiyası keçirməsidir.

Alüminium zavodundan çıxan zərərli tullantıların küləkli günlərdə evlərə dolması burada yaşayan 1500 ailənin narazılığını doğurub.

Kəlbəcərdən köçkün düşən Səidə Nəcəfovanın dediyinə görə, qəsəbəyə köçəndən bəri şikayətlərini dəfələrlə uyğun qurumlara çatdırsalar da, etirazlarına məhəl qoyulmayıb:

«O üzdən yolu kəsib etiraz edirdik ki, bizi gətirib burada qırırlar. Zəhərdən aman yoxdur. Biz cəhənnəm, körpə uşaqlar var, axı. O tərəfdən zibilin tüstüsü, burdan da zavodun iyi. Tüstünü nə təhər buraxırlarsa, gecə saat 12-dən sonra istidən ölürəm. Kondisionerimiz yoxdur, pəncərəni açınca, zəhər evə dolur. İndiyədək çox müraciət etmişik, baxmayıblar. Çarəsizlikdən yolu kəsdik».

TOZDAN PƏNCƏRƏ AÇMAQ OLMUR 

Alüminium zavodu köçkünlərə salınmış qəsəbənin önündə yerləşir. Qəsəbə salınarkən, Qaçqınlarla İş üzrə Dövlət Komitəsinin sədri Əli Həsənov da zavod tullantıların zərərli təsirini aradan qaldırmaq  üçün qumdan və ya su süzgəclərindən yararlanmağa kəskin ehtiyac olduğunu  vurğulamışdı. Ancaq sakinlərin fikrincə, ötən yarım il müddətində bununla bağlı heç bir iş görülməyib.

Adının açıqlanmasını istəməyən sakin:

«Gecə pəncərəni açırıq, his-pas içəri dolur. Belə yerdə yaşamaq olar? Körpə var, xəstə var...».

Sakin Nəsir Həmidov zəhərlə mübarizənin bir yolunu tapıb – hər gün əlində bel alaraq ağac əkib yaşıllıq salmağa cəhd göstərir. Amma o da gileylənir ki, zəhərli tullantılar yaşıllıqların da inkişafına mane olur: 

«Axşam olanda kükürd qoxusu gəlir».

Yeni qəsəbənin köçkün sakinlərinin gileyi bitmək bilmir. Onların dediyinə görə, qəsəbənin arxa tərəfində yerləşən zibilliyin də üfunəti evlərə hopur. Zibil yandırılanda, qoxu dözülməz olur:

«Xəstə adamlarıq, hamımız qırılırıq. Tozdan pəncərə açmaq olmur. Qırmızı tozdur. Gecə də zavodun iyini buraxırlar. Nədirsə, kükürd yanıq iyi gəlir. Qaçqınları bura qırmağa yığıblar. Bura yaxşı torpaq idisə, niyə bizi bura yığdılar? Buraya gələn yox idi deyə, qaçqınları bura yığdılar».

YARIMMETR QALINLIĞINDA TORPAQ TÖKÜLÜR

Sakin Fərrux Xəlilov:

«Bir tərəfdən zibilin iyi, o biri tərəfdən zavodun qoxusu-tozu...  Zibildən də çox zavodun iyi bizi məhv edir. Burda bir iş yeri də yoxdur. Qaz yox, isti su yox, toz ordan, zibilin iyi burdan... Burada yaşayış yoxdur. Qazı çəkiblər, amma vermirlər».

Qaçqınlarla İş üzrə Dövlət Komitəsinin Gəncə şəhər bölməsinin sədriSüleyman Abbasov deyir ki, sakinlərin narazılığı ilə bağlı toplanıb müşavirə keçiriblər və tədbir görüləcək:

«Qəsəbənin əks tərəfi var. Orada zibil poliqonu olub, oraya tökürlərmiş zibilləri. İndi tökülmür. Kimsə yoldan keçincə, oraya od vurur. Ondan narazılıq edirlər. Yeni zavod artıq yeni texnologiya ilə işləyir, tullantısı olmur. Amma əlaqədar təşkilatlar toplanıb, müşavirə keçirərək söz veriblər ki, bunun qarşısı alınacaq».  

«Gəncə Azəralüminium» ASC-nin direktoru Akif İbişovun dediyinə görə, artıq bir ildir ki, 141 hektar ərazidə 50 sm qalınlığında torpaq  tökülür: Yaxın illərdə zavodun qırmızı tozu havaya qalxmayacaq, torpaq qatı ilə tam örtüləcək.

[Deymon Salvatore]

qaçqınların etiraz aksiyası mənə heç vaxt səmimi gəlməyib. Öz torpaqlarını atıb burda etiraz etmək onlara çox asan gəlir

Etiraz etmirəm,canını qurtarıb,qaçanlar da olub.Ancaq böyük əksəriyyəti siyasətin oyununa gəliblər.Çünki müharibə vaxtı,kəndlərdə,yerli əhalidə nə silah varsa,hamısın yığıb aparmışdılar.Kənd camaatında da nə silah olacaq ki?Təbii ki,ov tüfəngi(əsasən qoşa lülə).Qarabağ məsələsi təsadüfi olmayıb,planlı alqı-satqı olub.Bilirsiniz neçə regionda,silahsız əhli yalandan hay-küyə salıblar ki,nə var nə var,onları təlaşa salsınlar ki,bəs "Torpaqlar alınır,qaçın.Yoxsa sizi də öldürəcəklər"(əslində isə,ermənilər heç o əraziyə çatmayıbmış).Bir neçə yerdə,döyüşmək iqtidarında olan və düşməni üstünləyən bölmələri,əmrlə geri çağırtdırıblar ki,ermənilər üçün heç bir maneə qalmasın.Bizim neçə batalyonumuz,düşməni əməlli başlı yerinə otuzdurub.Ancaq satqınlara görə,bu cür hallar yaşanıb.Şəxsən mənim atam danışırdı ki,ermənilər bizi güllə atəşinə tuturdular.Biz isə cavablarını verəndən sonra,rəis gəlib bizi düzdü "stroya".Sıradakilərin hamısını bir-bir dubinka ilə vururmuş ki,"erməniyə niyə atəş açmısınız,sizə kim icazə verib,özbaşınasızınız".Atamı da vurmaq istəyəndə,atam üstündəki tapançanı çıxardıb,diriyib onun boğazına ki, "ay oğraş,bunlar bizi qıracaq,biz də durub baxmalıyıq"(təxmini bu sözləri işlədib,dəqiq yadımda qalmayıb) .Qarabağın "kupçası" artıq verilmişdi.Bircə,heyfim,vuruşan oğulların əziyyətinə gəlir.Nə biləydilər ki,onlar özünü güllənin qabağına verən vaxtı,artıq torpaqların aqibəti həll olunmuşdu.

Formalaşmamış bir ölkəmiz,ordumuz olub.Üstəlik də,"taxt-tac" uğrunda mübarizə də qarma-qarışıqlıq saldı(İndiyə kimi də,həmin əclaflar oturub vəzifədə.Bir Stalinimiz olmadı ki,bu əclaflara güllələnmə edamı versin).Hamısı "qoltuq davası döyürdü".

Şəxsən mən,müharibədən və ya başqa nədənsə qorxmuram.Mənim qorxduğum bir şey var.O da ki, "tarixin təkrarlanmağı" məsələsi.Ancaq,indi hakimiyyət bəllidir və öz yerini kiməsə verəsi deyil.Buna görə də,düşünürəm ki,müharibə olsa,ölkədəki həmin problemlərimiz,yenə özünü biruzə verəcək.Ancaq,bu dəfə hər şey nisbətən orqanizə olunmuşdur.Buna görə də,düşünürəm ki,kənar qüvvələrin müdaxiləsi olmasa,torpaqlarımızı qaytara biləcəyik.Satqınlar isə,yenə də öz işini görəcək.Orası bəllidir.Ümid edirəm ki,bu xaosun içində,bəzi "narazılar",öz "aksiyalarını" başqa vaxta saxlayar.Yoxsa onların eqoistliyi üzündən,bütün Azərbaycan dağılacaq.Müsəlman,ayda-ildə bir dəfə müdriklik göstərir.Ümid edək ki,həmin vaxt müharibəyə təsadüf edəcək.Provokatorlara qoşulsalar,TitaniK batan kimi "batacayıq"....

Edited August 2, 2014 by Deymon Salvatore